Anvar Obidjon Farg‘ona viloyati Oltiariq tumanining Poloson qishlog‘ida 1947 yilning 25 yanvarida xizmatchi oilasida tug‘ilgan.
1964 yilda o‘rta maktabni tugatgach, Samarqand moliya texnikumida, 1969-1971 yillarda jamoa xo‘jaligida hisobchi, klub mudiri, tuman gazetasi, viloyat radiosida turli vazifalarni bajardi, Toshkent Davlat universitetining jurnalistika fakultetini sirtdan tamomladi.
1981 yildan boshlab u Toshkentga ko‘chib kelib, «Yosh gvardiya» nashriyotida, «Yosh kuch», «Mushtum» jurnallarida ishladi. «Cho‘lpon» nashriyotida bosh muharrir bo‘lib ishlagan.
Anvar Obidjon bolalar adabiyotiga dastlab «Ona Yer», «Bahromning hikoyalari» to‘plamlari orqali shoir sifatida kirib keldi va mavjud ijodiy an’analardan foydalangan holda o‘ziga xos yo‘l tanladi.«Bulbulning cho‘pchaklari», «G‘alati maktublar», «Kumush uy», «Gurungdagi gaplar», «Ajoyibxona», «O‘zimizning ansambl», «Ignalarim chiroyli», «Mening kollektsiyam», «Shirin so‘ylar jajjivoylar», «Kalamushlar kemasi», «Siz eshitmagan qo‘shiqlar», «Dalalardan bolalarga», «Osmondan tushgan sozanda» turkum she’rlari fikrimizga dalildir.Uning «Ona yer» (1974), «Masxaraboz bola» (1980), «Olovjon va uning do‘stlari» (1983), «Bahromning hikoyalari» (1984), «Ey, yorug‘ dunyo» (1983), «Ketmagil» (1985), «Bezgakshamol» (1985), «Juda qiziq voqea» (1987), «Oltin yurakli avtobola» (1988), «Dahshatli Meshpolvon» (1990) kabi she’riy, nasriy kitoblari chop etildi.
Bulardan tashqari, adibning «Qo‘ng‘iroqli yolg‘onchi», «Pahlavonning o‘g‘irlanishi» Anvar Obidjon so‘nggi yillarda «Ramazon va Gulmat hangomasi» (1992), «Meshpolvonning janglari» (1994), «Alisher ila Husayn yoki uch dono va o‘g‘ri» (1996), «To‘tiqush», «Topsang hay-hay…» kabi qissa, pesa va she’r, dostonlarini ham yaratdi.
U«O‘zbekiston xalq shoiri» unvoniga sazovor bo‘lgan (1998).
Mani bilasiz, aka, do‘ppim yerga tushib ketsa, birontasiga besh so‘m berib oldiradigan yigitlardanman. Gastrano‘m mudirining jiyani degan nomim bor. Mana, kasbi halolimni ko‘rib turibsiz – tratuvarning chetiga o‘rnashvolib, kuniga bir yashik «Rodopi» sotaman. Moliya agenti pachakilashmay tursa, kam deganda yigirma davomi…
Shu topda u ko‘zimga yanada sovuq ko‘rinib ketdi. Aftimni tirishtirib, yuzimni chetga o‘girdim.Kayfiyatim tushganini payqayotgandek, «ilgarilari mendan joningizniyam ayamas edingiz, endi me’dangizga tegdim shekilli», deyayotgandek tuyuldi. O‘ng‘aysizlanib, ko‘zimni yerga qadadim.U esa go‘yo ta’nani davom ettirdi: «Balki, mendan qutulmoqchidirsiz?»«Ha!» deb baqirgim davomi…
Yangi to‘qimachilik kombinati qurilishi haqida gazetada bir sahifalik tantanavor maqola berilgach, telestudiyadagilar ham birdan yeng shimarib qolishdi. Bosh muharrir meni huzuriga chaqirib, bu joydan shoshilinch ko‘rsatuv tayyorlashimni topshirdi.Ishni bizni iliq kutib olgan quruvchilar-u, zarur ashyolarni qurilishga uzluksiz yetkazib berishga erishayotgan davomi…
Bu dunyoda nima ko‘p? Bilib-bilmay o‘zligini sotuvchilar. Yana-chi? Yana… qisqartma nomlar: BMT, AQSh, ToshMI, SSSR… va million hokazolar.«RAF» – shulardan bittasi. Yo‘q, bu yangi tashkilot emas, amaldorlarning rangi o‘chmay qo‘yaqolsin. Rahbarlarni Ag‘darish Firmasi hali tuzilmagan. Aspan attorning sandig‘idan sal kattaroq davomi…
– Xo‘p, sizga nima kerak?– Mana ro‘yxat… xo‘-o‘-sh… o‘nta tank, yigirmata bronetransportyor, o‘n beshta qiruvchi uchoq, o‘ttizta Ziyodbotir, qirqta svetofor, shuncha militsioner, beshta go‘sht tashiydigan mashina.– Ziyodbotirlar allaqachon tugab ketgan. O‘rniga tank olaqoling. Yoki svetofor.– Shuncha svetoforni nima qilaman? Keyin, davomi…
Xolisanlillo aytganda, rus tili darsining o‘ziyam mana mundoq yetib turuvdi, yana chet tili qo‘shildi– frantsuzcha. Ona tilimizdan farqi shuki, shahardan to‘rtta o‘zbekcha so‘zni yodlab kelgan bo‘yanchoq o‘qituvchimiz: «Maktab tamom, hamma – dalaga!» – desa, biz: «Bonjur, madam, bonjur!» – deymiz.«Farang davomi…
Aziz Nesinga ta’zim ila… Bir tog‘ora hasibni ko‘tarib Shayxontovurga chiqsam, ko‘chada odam tanqis, hamma o‘zini futbolga urvoribdi. Xaridorning ketidan quvib menam stadionga kirdim. Kirdim-u, yuragim orqaga tortdi. Yopiray! Hech kasning boshiga tushgulik qilmasin-u, agar shuncha odam to‘yingga bostirib kelsa bormi, davomi…
Jamoatchi hajvchimiz bayram arafasida ulfatchilik fanlari doktori Maishat Maishatovich bilan suhbatda bo‘ldi. Ko‘pchilikka otning qashqasidek tanilib qolgan Maishat Maishatovich yangi yilni kutib olish tartibi haqida o‘z toifasidagi shaxslarga qarata gapirib, shunday dedi:– Qadrli shishadoshlar, aziz hamtovoqlarim! Mana, yangi yil hali davomi…
yoki olimlikka ishqiboz, ashaddiy Gulmatshunos Burundor Tusmoliyning hali tasdiqlanmaganilmiy ishi Hammomda lungisiz yurgan so‘takni ko‘rganmisiz? Kam bo‘lmasinlar! Chindanam ko‘rgan bo‘lsangiz, demak mushkulimiz ancha osonlashibdi, ya’ni odamizod ibtidoiy davrda qo‘shnilar yonidan qay ahvolda o‘tib borganligini izohlab o‘tirishga hojat qolmabdi.Xo‘sh, odam bolasi davomi…
Chakalakzor sultoni Fil ertak kitobni varaqlab o‘tirib, qadimgi hukmdorlar saroyida o‘qtin-o‘qtin mushoiralar o‘tkazib turilgani, she’rxonlik bahsida g‘olib chiqqan shoirlar taqdirlab borilgani haqidagi joyiga beixtiyor ko‘zi tushib qoldi.«Nahotki, menga tobe bo‘lgan jonivorlar ichida she’r yozishni uddalaydiganlar topilmasa? – deya o‘ziga-o‘zi savol davomi…