2022 йилда Ziyouz порталида энг кўп ўқилган мақолалар, ҳикоялар, муаллифлар

Google Analytics маълумотларига кўра, 2022 йилда Ziyouz порталига ташрифлар сони 6 384 653 тани (www.ziyouz.com — 4 787 412; www.ziyouz.uz — 1 597 241) ташкил этди (кунига ўртача 17 492 киши). Ташриф буюрганларнинг 81 фоизи Ўзбекистондан. Россия (5%), Қозоғистон (5%), Қирғизистон (3%), Тожикистон (2%), АҚШ (1%), Туркия (1%) каби 160 давлатдан мухлислар ташриф буюрган.

2022 йил 1 январь ҳолатига кўра, Ziyouz порталида мақолалар сони: 29850 та (n.ziyouz.com — 10430, islom.ziyouz.com — 2264, davronbek.ziyouz.com — 552, ziyouz.uz — 14905, ziyouz.uz/ru — 1490, ziyouz.uz/en — 209).

Ўзбек тилидаги энг катта электрон кутубхона — Ziyouz.com кутубхонасида ҳозирда 13740 та китоб мавжуд.

* * *

Ўзбек тилидаги энг катта адабий-маърифий портал — www.ziyouz.uz сайтида айни пайтда ўзбек адабиётидан 3226 та, жаҳон адабиётидан 1814 та ҳикоя ўрин олган.

Ушбу рўйхатлар 2022 йилда порталда энг кўп ўқилган ҳикоялар таҳлили асосида тузилди. Рўйхатнинг аввалида энг кўп мутолаа қилинган ҳикоя ўрин олди. Айни муаллифнинг жами 1000 ўқувчидан кам бўлмаган ва рейтингнинг юқори 100 талигидан ўрин олган ҳикоялари ҳам рўйхатга киритилди.

Ўзбек адабиётидан (ҳикоялар сони ва энг кўп ўқилганига кўра) Абдулла Қаҳҳор асарлари, жаҳон адабиётидан Антон Чехов асарлари энг кўп мутолаа қилинган.

Ўзбек адабиётидан энг кўп ўқилган ҳикоялар:

1. Наби Жалолиддин. “Байроқ”, “Ота”
2. Нормурод Норқобилов. “Капалак”, “Оқбўйин”
3. Абдулла Қаҳҳор. «Бемор», «Ўғри», «Даҳшат»
4. Ғафур Ғулом. «Менинг ўғригина болам»
5. Эркин Аъзам. «Танҳо қайиқ ёхуд девонанинг орзуси»
6. Саид Аҳмад. «Қоракўз Мажнун»
7. Пиримқул Қодиров. “Илинж”
8. Қамчибек Кенжа. “Лафз”
9. Хайриддин Султонов. «Ё, Жамшид»
10. Одил Ёқубов. «Музқаймоқ»
11. Луқмон Бўрихон. “Қуёш ҳали ботмаган”
12. Шукур Холмирзаев. «Ўзбек характери»
13. Абдулла Қодирий. «Жинлар базми»
14. Тоҳир Малик. «Қарғиш»
15. Абдулҳамид Чўлпон. “Қор қўйнида лола”
16. Абдуқаюм Йўлдош. “Пуанкаре”
17. Нодирабегим Иброҳимова. “Мен, дадам ва Альцгеймер”
18. Иқбол Мирзо. “Зарб”
19. Назар Эшонқул. “Фаришта”
20. Ойбек. «Фанорчи ота»

Жаҳон адабиётидан энг кўп ўқилган ҳикоялар:

1. Эрнест Хемингуэй. «Ёмғирда қолган мушук»
2. Иван Тургенев. «Муму»
3. Антон Чехов. “Латта”, «Ғилоф бандаси», «Хамелеон»
4. Рабиндранат Тагор. «Шубха»
5. Михаил Шолохов. «Инсон тақдири»
6. Франц Кафка. «Эврилиш»
7. Анна Франк. «Чордоқ ҳикоялари»
8. Жек Лондон. «Ҳаётга муҳаббат»
9. Азиз Несин. «Адабиётсевар»
10. Александр Бондарь. “Купедаги ҳамроҳлар”
11. Уильям Фолкнер. «Эмили учун атиргул»
12. Агата Кристи. «Тилсимли шахмат»
13. Эдгар Аллан По. «Морг кўчасидаги қотиллик»
14. Чингиз Айтматов. «Аскар бола»
15. Камило Хосе Села. “Эчкилардан кечайлик”
16. Фёдор Достоевский. “Маъсума”
17. Бенжамин Франклин. «Ҳуштак»
18. Рамиз Равшан. “Ҳамма ўғил ўстирганди…”
19. Лев Толстой. “Сергий ота”
20. Акутагава Рюноскэ. «Дўзах азоблари»

* * *

Айни пайтда сайтда ўзбек шеъриятидан 750 нафар муаллифнинг асарлари ўрин олган. Жаҳон шеъриятидан 1374 нафар шоирнинг шеърлари жойлаштирилган.

Ўзбек шеъриятидан энг кўп ўқилган саҳифалар:

1. Аҳмад Яссавий (XII аср)
2. Усмон Носир (1912-1944)
3. Абдулла Орипов (1941-2016)
4. Обид Расул (1922-2001)
5. Алишер Навоий (1441-1501)
6. Юсуф Хос Ҳожиб (1020-1070)
7. Бобур Бобомурод (1968)
8. Ҳумоюн (1964)
9. Сўфи Оллоёр (1644-1724)
10. Ҳазиний (1867-1923)
11. Ғафур Ғулом (1903-1966)
12. Бобораҳим Машраб (1640-1711)
13. Жаҳонотин Увайсий (1779-1845)
14. Чори Аваз (1957-1992)
15. Шукур Саъдулла (1912-1972)
16. Муҳаммадризо Огаҳий (1809-1894)
17. Аъзам Ўктам (1960-2002)
18. Эркин Воҳидов (1936-2016)
19. Илёс Муслим (1909-1993)
20. Муқимий (1850-1903)