Адабиётга виждон иши деб қарагандагина адиб баркамол асарлар яратиши, ҳаётнинг янги-янги қатламларини очиши, тирик образлар кашф этиши мумкин.

* * *

Китобдан биринчи мақсад – одамни шахс сифатида шакллантириш.

* * *

Китоб миллатнинг кўзини очиши керак. Кўзи очиқ одам ҳаётнинг баланд-пастликларини тўғри баҳолай олади.

* * *

Ҳақиқий ёзувчи ўзини ўзи баҳолай олади.

* * *

Бизда тарихни халқ яратади деб одамнинг кўзига қум сепиб келинди. Тарихни халқ эмас, шахслар яратади.

* * *

Менинг тушунишимча, одам бир касбни эгаллашга киришар экан, уни ипидан игнасигача билиб, шу ишнинг устаси бўлиши керак, профессио­нал бўлиши керак. Агарда инсон ўз соҳасида профессионал бўлса, ҳаётда қоқилмайди, қаерда бўлса ҳам, меҳнати орқасидан рўшнолик кўради.

* * *

Агар ёзувчининг ўзи шахс бўлмаса, у яратган асарлар ҳам бирор қийматга эга бўлмайди.

* * *

Умр мазмуни — ўзликни англаб яшаш. Маърифатли инсонгина ўзини англаб яшашга қодир.

* * *

Болаларни эркин қўйинг, сизга ўхшаб фикрламаса ҳам.

* * *

Айбим шуки, ўйла­ганимни айтиш пайида бўламан.

* * *

Қаердаки ахлоқсизлик бўлса, ахлоқ бузилса, ўша ерда маънавият таназзулга юз тутади.

* * *

Кун кўриш керак эмас, яшаш керак.

«Ёшлик» журнали, 2019 йил, 6-сон