Raimqul Suyarov 1984 yilda Samarqand viloyati Nurobod tumani Jom qishlog‘ida tug‘ilgan. 2005 yili Mirzo Ulug‘bek nomidagi O‘zbekiston milliy universitetining O‘zbek filologiyasi fakultetini tamomlagan.
2005-2006 yillarda “Sog‘lom avlod uchun” jurnalida adabiy xodim, 2006-2007 yillarda “Ishonch” gazetasida muxbir, 2007-2013 yillarda “Qishloq hayoti” gazetasida muxbir, bo‘lim muharriri, 2013-2014 yillarda “Turkiston-press” axborot agentligi Bosh direktori o‘rinbosari, 2014 yilda “Mohiyat” ijtimoiy-siyosiy gazetasi Bosh muharriri o‘rinbosari vazifalarida faoliyat yuritgan. 2014 yildan “Qishloq hayoti” – O‘zbekiston Respublikasi ijtimoiy-iqtisodiy gazetasida bo‘lim muharriri vazifasida ishlab kelmoqda.
Raimqul Suyarovning “Farzand”, “Oy to‘lgan kecha”, “Rizq”, “Xayrlashuv”, “Qovun pishig‘ida”, “Tungi chaqiriq” singari o‘nlab hikoyalari respublika nashrlarida chop etilgan.
Hammasi tushlikka yaqin boshlandi. Xayolida yer silkinayotganday bo‘laverdi. Bir qarshisidagi kompyuterga, bir shiftdagi lampaga qaradi-yu, shartta ko‘zlarini yumib oldi va boshini changallaganicha, stolga engashdi. Nazarida, yer asta-sekin qimirlayapti. Mana, o‘zi o‘tirgan kreslo ham ohista tebrana boshladi. Hozir hammasi tamom bo‘ladi, davomi…
Usta Soatning bozori kasodga uchradi. Qorkurak yasay desa, qishloqda sanoqligina odamning tomi shifersiz. Odamlar molxonasi-yu qo‘ra-qo‘tonidan tortib tovuq katagigacha shiferlab olgan. Tomga tushgan qor borki, o‘zi erib ketaveradi. Ustiga ustak oldingidek qalin qorlar ham yo‘q, qorkurakni olib yo‘l ochayin, desa! davomi…
Nafas shira hovli adog‘idagi pastakkina erganak darichani ochib, qo‘shnisi Bo‘ron cho‘ponning tomorqasiga o‘tdi va boshi uzra yoyilib turgan majnuntol novdalarini qo‘llari bilan surgancha ariq yoqalab cho‘zilgan ensiz uvatdan yurib borarkan, hayron bo‘ldi. Kun yoyilib ketgan bo‘lishiga qaramay Bo‘ron cho‘pon uyi davomi…
Har safar erta uxlab qoladigan Ochil buvaning ko‘zlariga shu kecha hadeganda uyqu kelavermadi. U uzoq yotdi, ertaga o‘t o‘riladigan joyni ko‘proq egallashi kerakligini xayolidan o‘tkazdi. Ko‘ziga doim kaltakesakdek bo‘lib ko‘rinadigan Tursun qoraning uyiga o‘tgan yili o‘zinikidan ikki baravar ko‘p xashak davomi…