Раимқул Суяров 1984 йилда Самарқанд вилояти Нуробод тумани Жом қишлоғида туғилган. 2005 йили Мирзо Улуғбек номидаги Ўзбекистон миллий университетининг Ўзбек филологияси факультетини тамомлаган.
2005-2006 йилларда “Соғлом авлод учун” журналида адабий ходим, 2006-2007 йилларда “Ишонч” газетасида мухбир, 2007-2013 йилларда “Қишлоқ ҳаёти” газетасида мухбир, бўлим муҳаррири, 2013-2014 йилларда “Туркистон-пресс” ахборот агентлиги Бош директори ўринбосари, 2014 йилда “Моҳият” ижтимоий-сиёсий газетаси Бош муҳаррири ўринбосари вазифаларида фаолият юритган. 2014 йилдан “Қишлоқ ҳаёти” – Ўзбекистон Республикаси ижтимоий-иқтисодий газетасида бўлим муҳаррири вазифасида ишлаб келмоқда.
Раимқул Суяровнинг “Фарзанд”, “Ой тўлган кеча”, “Ризқ”, “Хайрлашув”, “Қовун пишиғида”, “Тунги чақириқ” сингари ўнлаб ҳикоялари республика нашрларида чоп этилган.
Уста Соатнинг бозори касодга учради. Қоркурак ясай деса, қишлоқда саноқлигина одамнинг томи шиферсиз. Одамлар молхонаси-ю қўра-қўтонидан тортиб товуқ катагигача шиферлаб олган. Томга тушган қор борки, ўзи эриб кетаверади. Устига устак олдингидек қалин қорлар ҳам йўқ, қоркуракни олиб йўл очайин, деса! давоми…
Нафас шира ҳовли адоғидаги пастаккина эрганак даричани очиб, қўшниси Бўрон чўпоннинг томорқасига ўтди ва боши узра ёйилиб турган мажнунтол новдаларини қўллари билан сурганча ариқ ёқалаб чўзилган энсиз уватдан юриб бораркан, ҳайрон бўлди. Кун ёйилиб кетган бўлишига қарамай Бўрон чўпон уйи давоми…
Ҳар сафар эрта ухлаб қоладиган Очил буванинг кўзларига шу кеча ҳадеганда уйқу келавермади. У узоқ ётди, эртага ўт ўриладиган жойни кўпроқ эгаллаши кераклигини хаёлидан ўтказди. Кўзига доим калтакесакдек бўлиб кўринадиган Турсун қоранинг уйига ўтган йили ўзиникидан икки баравар кўп хашак давоми…