Lagerkvist Per Fabian (Pär Fabian Lagerkvist; 1891.23.5, Vekshyo – 1974.11.7, Stokgolm) — shved yozuvchisi va dramaturgi. Shvetsiya akademik (1940). “Temir va odam” (1915) novellalari, “Qo‘rquv” (1916) she’riy to‘plamlari va “Kayfiyat” (1919) asarida simvolizm ta’siri seziladi.
Lagerkvist ijodda yangilikka intilib, nazm va nasrda shakliy kashfiyotlar yaratish yo‘lidan borgan. Uning “Oxirgi inson” (1917), “Mangu tabassum” (1920), “Ko‘rinmas odam” (1923) dramalarida Birinchi jahon urushining dahshatlari, inson boshiga tushgan fojealar aks ettirilgan. “Yovuz sagalar” (1924) satirik to‘plam va “Bu dunyo mehmoni” (1925) avtobiografik qissasida turmush haqiqati yorqin ifodalangan.
“Jallod” (1933), “Pakana odam” (1944) qissalari, “Ruh” (1937), “Qo‘shiq va jang” (1940) she’riy to‘plamlari yovuzlik va yomonlikka qarshi kurash ruhida. “Varavva” (1950) romanida qahri qattiq qaroqchining tarixi misolida odam Xudoni tanishi va iymonga kelishi haqida so‘z yuritilgan.
Lagerkvist Injil mavzulari asosida yaratilgan “Sivilla” (1956), “Agasferning o‘limi” (1960), “Muqaddas yer” (1964), “Mariamna” (1967) va boshqa qissalar muallifi. Nobel mukofoti laureati (1951).
Yoz faslining ilk kunlari erta tongda Moris Flyori bu yerlardan ancha olisda, shundoqqina chegarada borayotgan urushdan uyiga qaytdi. O‘rta yoshlardagi bu odamning bo‘y-basti va jussasi ancha kelishgan, ham ma’nan, ham jismonan ko‘rkam kishi edi. Uning irodasi mustahkamligi bilan bag‘rikengligi, nozik davomi…
Bir shaharda aka-ukalar yashar edi: kattasining ismi Mikael, undan uch-to‘rt yosh kichigini esa Stefan deb atashardi. Ularning otasidan qolgan temirchilik ustaxonasi bor edi. Ota qattiqqo‘l va talabchan edi. Ustaxona shahar chekkasida, to‘ppa-to‘g‘ri qishloqqa eltadigan yo‘l ustida joylashgandi. Ustaxonaning oqlangan devorlarini davomi…