Ko‘rdimki, umr va dunyodan ko‘ra tez shoshilib, yo‘q bo‘lib ketadiganroq, o‘lim va oxiratdan ko‘ra yaqinroq, orzudan ko‘ra uzoqroq, xotirjamlikdan ko‘ra go‘zalroq narsa yo‘q ekan. Najmiddin Kubro

Men Muhammad alayhissalomning ismini olganman. Uning muborak ismini bosib iflos qilishlariga yo‘l qo‘ymayman. Muhammad Ali

Hadeb tanlab, o‘ylanavermasdan shartta uylan. Xotining yaxshi chiqsaku — xo‘p-xo‘p, yomon chiqsa — faylasuf bo‘lasan. Suqrot

Ilm hayo bilan kibr orasida yo‘q bo‘lib ketadi. Imom G‘azzoliy

Asossiz ish, nimaga qaratilganidan qat’i nazar, doimo inqiroz bilan tugaydi. Iogann Gyote

Hayot uyqudir, o‘limla uyg‘onur inson. Sen shoshil, o‘lmasdan avval uyg‘on. Jaloliddin Rumiy

Zarur gapni aytolmaganing uchun bir marta attang qilsang, tilingni tiyolmaganing uchun esa ming karra afsus qilasan. Lev Tolstoy

Kimda-kim qarindoshlari sababli o‘ziga obro‘, yaqinlik axtarsa va o‘tgan ajdodlari bilan kibrlansa, o‘sha kishining o‘zi o‘lik, ajdodlari esa tirik sanaladi. Abu Rayhon Beruniy

… Vaqtni «essiz», «qaniydi», «koshkiydi»lar bilan o‘tkazgan kishining umri eng qisqa umr ekan. Najmiddin Kubro

Inson gapirishni o‘rganishi uchun ikki yilga muhtoj bo‘ladi. Jim turishni o‘rganishi uchun esa, ellik yil kerak. Ernest Xeminguey