Midzuxara Syuosi (水原豊) – yapon shoiri. Haqiqiy ismi – Midzuxara Yutaka. Tokioda tug‘ilgan. Tokio universiteteini tamomlagan va bir necha yil vrach bo‘lib ishlagan.
* * *
Tokchadagi yog‘och qo‘g‘irchoq –
Qotib qolgan ko‘zlari bilan
Asrlar ortidan boqib turadi.
* * *
Ming yillik qorlar uzra
Yuksalgan oq cho‘qqida
Sakura gullaydi sukunat aro.
Xurshid Davron tarjimasi
***
Ko‘l uzra porlayotgan oyni ,
Tomosha qilmas hech kim
Barcha sholi o‘rimida…
***
Binafshalar gulladi yana
Toptaldi so‘qmoqlar
Bahorgi o‘rmonlarda
***
Olmalar gullagan.
Boyagina yoqqan bahor selida ,
Oppoq gul qopladi soxil suvlarin.
***
Oy porlar.
Qayinlar soyasi sezilmas ,
Tumanlarga cho‘mgan qayinzor
***
Bahorni kuzatayapman
Yomg‘irlarda shalobbo ivib
Bulutlar bilan yuzma – yuz , tog‘da
***
Yomg‘irli kun.
Oqin bo‘ylab oqar xrizantemalar
Ko‘rinmaydi bironta qayiq
***
Choy gullaydi baland qoyada ,
Shom zulmati qoplagan tog‘lar.
Olislardan ko‘tarilar oy
***
Naxotki binafsha
Yolg‘iz gulladi
Tutzorda yana…
***
Qaldirg‘ochlar chiyillab uchar ,
Tog‘lar orasidagi uyimning ,
Tomi ustidan.
***
Xagi gullayotir
Asama tog‘iga chiqaman
Bulutlarni qayrib…
***
Jarlar aro , to‘lqinlar uzra ,
Chaykalarning ini yonida
Olxo‘ri gullar…
***
Berkinadi o‘t – o‘lan ichra
Tunash uchun o‘tloq kakkusi ,
Yaqinlashar tun…
Xoldor Vulqon tarjimalari
«Odaremidzu dovonida navbahor» turkumidan
* * *
Bulbul kuylayotir
yomg‘irning ostida tikka qoyada –
bo‘zlab-bo‘zlab chiqar faryodi…
* * *
Ipakqurt g‘umbagi.
Qorli qoya yuksakdan qaraydi
daralarning tubiga…
«Qish qo‘shiqlari» turkumidan
* * *
Qanday go‘zal Arslonning raqsi!
Fudzi etagida shu’lalarga g‘arq
Qo‘llar, qo‘llar…
«Xrizantemalar va turnalar» turkumidan
* * *
Xrizantema ifori!
Bir juft turna unsizgina
qo‘nadilar o‘tloqqa.
* * *
Xrizantemalar aro
turnalar kezar juft-juft,
gullar kabi pokiza, oppoq…
* * *
Ochiq «xrizantema kuni».
Oqshom soviy boshladi –
turnalar tovushi achchiq.
«Nakoso chegarasi» turkumidan
* * *
Mening umrim!
Xrizantema bilan yakka
tek qotgan sukutda…
* * *
Oshyonlarini tashlab,
Kulbalarning qoshiga
Qo‘nadilar qushchalar…
«Yamato ko‘chasi» turkumidan
* * *
Gullayotgan novdalar.
Ko‘klam, o‘tloqzor sokin –
uning o‘xshashi yo‘qdir!..
«Norinura tog‘i yonbag‘irlarida» turkumidan
* * *
Tog‘ning cho‘qqilaridan
tuman to‘lqini tushdi,
mavjlandi dengiz kabi…
* * *
Yulduzlar miltiraydi,
Qor bosgan vodiyga boqaman xushhol,
Nedandir qayg‘uraman…
Ruschadan Tursun Ali tarjimalari