Artur Gorjes (Sir Arthur Gorges; 1569 – 10 oktyabr 1625, Chelsi, London) – shoir, dengiz kapitani, tarjimon. Oksford universitetini tamomlagan.

UNING YuZI

Uning yuzi                 Uning tili             Uning fahmi
naqadar oq,               buncha shirin           o‘tkir biram
avval egdi                so‘ng sudradi           qoldi zahmi
qarog‘imda                qulog‘imda               yurakda ham

Mening ko‘zim           Qulog‘im-a               Ham gul dilim
yoqtirmoqqa              o‘rganmoqqa             suymoq uchun
Uning yuzi                uning aqli              uning tili
Boshqarmoqqa            o‘zgartmoqqa            yoymoq uchun

Uning fahmi            Uning tili             Uning yuzi
mohirona                 ko‘p jarangdor        nurli biram
ko‘r qiladi               sehrlagay               bog‘lar o‘zi
qarog‘imu                 qulog‘im ham            yurakkinam

Qarog‘im-a                Eshitguvchim            Vah ko‘nglima
hayot bilan               umid bilan            mahorat-la
uning yuzi                uning tili             aqli nima
to‘ydiradi               bayram qilar         saxovat-la

O yuz                          O til                    O fahm
qovoq uygan             to‘siq bilan           yasangan ham
yovuzlik yo‘q             jahl tushmish         yo‘qdir zahm
qarog‘im-a                qulog‘im va            yurakkinam

Bu ko‘zlar-ey            Bu quloqlar va       Bu yurak
Qasam ichar             yon bergaydir         dilni yoqqay
uning yuzi                uning tilu            fahmi beshak
xizmat uchun            ishonch uchun            va qo‘rqmoqqa

A’zam Obidov tarjimasi