“Етти юз шеър” китобидан

* * *

Қоп-қора кечада зангори қабо
Остидан оқ кўксинг порлади ногоҳ,
Булутлар қўйнидан ялт этиб гўё
Кўрингандек бўлди олтин юзли моҳ.

* * *

Ғамлар аро,ташвиш,қувончлар аро
Одамлар қарийди,севги қаримас:
Ошиқ ўлгандаям бўлмагай фано,
Тиригида ўлик – қайси дил севмас.

* * *

Мен ишқимни яширар эдим
Қўлдан келса… Аммо, нетай ман:
Гулга кирган дарахтдек энди
Мен бахтимни яширолмайман.

Хуршид Даврон таржималари