Nurpeisov Abdijamil Karimovich (1924, Orolbo‘yi, Ushqon qishlog‘i) — Qozog‘iston xalq yozuvchisi (1985). 2-jahon urushi qatnashchisi. M. Gorkiy nomidagi Adabiyot institutini tugatgan (1953). «Juldiz» jurnali bosh muharriri (1954) bo‘lgan.
Birinchi romani — «Kurlandiya»da urushning so‘nggi kunlari tasvir etilib, Vatan himoyachilari obrazi yaratilgan. Nurpeisov «Kutilgan kun» (1957), «Oqshom» (1960), «Sarsonlik-sargardonlik» (1970) romanlari muallifi. So‘nggi uch roman keyinchalik «Qon va ter» trilogiyasini tashkil etib (1974), ko‘plab tillarga tarjima etilgan.
Nurpeisovning ocherk, esse va tanqidiy maqolalari «O‘ylar» (1974) kitobidan o‘rin olgan. Nurpeisov A. P. Chexov, A. M. Gorkiy hikoyalari, ispan dramaturgi A. Kessoning «Daraxtlar tik turib o‘ladi» va Nozim Hikmatning «Ko‘k podsho» asarlarini qozoq tiliga tarjima qilgan.
Jambul nomidagi Qozog‘iston Davlat mukofoti laureati (1947).
Abdijamil Nurpeisov. Qon va ter: Trilogiya. 3-kitob: Halokat: Roman /[Ruschadan L. Tojiyeva tarj.] — Toshkent, Adabiyot va san’at nashriyoti, 1979. A. Nurpeisov trilogiyasi real xarakterlar asosiga qurilgan. Taqdirlar murakkab. Turma azobini tortgan, front ko‘rgan, eng yaqin kishisi – sevimli xotini davomi…
Abdijamil Nurpeisov. Qon va ter: Trilogiya. 1-kitob: Zulmat. /[Ruschadan L. Tojiyeva tarj.] — Toshkent, Adabiyot va san’at nashriyoti, 1976 «Qon va ter» trilogiyasida Birinchi jahon urushi va revolyutsiya arafasida qozoq dashtida sodir bo‘lgan murakkab voqealar qalamga olingan. “Zulmat” — trilogiyaning davomi…