Нурпеисов Абдижамил Каримович (1924, Оролбўйи, Ушқон қишлоғи) — Қозоғистон халқ ёзувчиси (1985). 2-жаҳон уруши қатнашчиси. М. Горький номидаги Адабиёт институтини тугатган (1953). «Жулдиз» журнали бош муҳаррири (1954) бўлган.
Биринчи романи — «Курландия»да урушнинг сўнгги кунлари тасвир этилиб, Ватан ҳимоячилари образи яратилган. Нурпеисов «Кутилган кун» (1957), «Оқшом» (1960), «Сарсонлик-саргардонлик» (1970) романлари муаллифи. Сўнгги уч роман кейинчалик «Қон ва тер» трилогиясини ташкил этиб (1974), кўплаб тилларга таржима этилган.
Нурпеисовнинг очерк, эссе ва танқидий мақолалари «Ўйлар» (1974) китобидан ўрин олган. Нурпеисов А. П. Чехов, А. М. Горький ҳикоялари, испан драматурги А. Кэссонинг «Дарахтлар тик туриб ўлади» ва Нозим Ҳикматнинг «Кўк подшо» асарларини қозоқ тилига таржима қилган.
Жамбул номидаги Қозоғистон Давлат мукофоти лауреати (1947).
Абдижамил Нурпеисов. Қон ва тер: Трилогия. 3-китоб: Ҳалокат: Роман /[Русчадан Л. Тожиева тарж.] — Тошкент, Адабиёт ва санъат нашриёти, 1979. А. Нурпеисов трилогияси реал характерлар асосига қурилган. Тақдирлар мураккаб. Турма азобини тортган, фронт кўрган, энг яқин кишиси — севимли хотини давоми…
Абдижамил Нурпеисов. Қон ва тер: Трилогия. 1-китоб: Зулмат. /[Русчадан Л. Тожиева тарж.] — Тошкент, Адабиёт ва санъат нашриёти, 1976 «Қон ва тер» трилогиясида Биринчи жаҳон уруши ва революция арафасида қозоқ даштида содир бўлган мураккаб воқеалар қаламга олинган. «Зулмат» — трилогиянинг давоми…