Lyu Yuysi (an’. xit. 劉禹錫, sod. 刘禹锡, pinin: Liú Yǔxí, zamonaviy pinin Liú Yǔxī, 772—842) — Tan dinastiyasida yashagan xitoy shoiri.

* * *

Orzu meni
Eltar uzoqqa,
Kuz mulkiga
Aylanmish janub.

Sarg‘ish siyoh
Sochdi har yoqqa —
Kuz ranglarin
Olishar tanib.

Yolg‘iz qayiq
Ko‘rinar alhol —
Qamishzorga
Keltirmish to‘lqin.

Minoraga
oy sochar yolqin,
Nay nolasin
Taratar shamol.

* * *

Barglarini to‘kdi mo‘jaz bog‘,
Jimlik g‘olib kezar hovlini.
o‘o‘r shabbalar tinchimas bu chog‘—
Bosolmaydi shamol hovrini.

Endi ko‘zga kelmagay uyqu,
Kecha uzun — bo‘lmaydi chidab.
Tun ovozi, kumushrang yog‘du
Jilvalanar oynamga qarab.

* * *

Uzr so‘rab loyantsliklardan
Ketar bo‘ldi soddadil ko‘klam.
Shamol tortar tol shoxlaridan
Qo‘llarini silkiydi u ham.

Orxideya bargida shabnam,
U ham to‘yib yig‘ladimikin?
Quchog‘ida to‘lg‘onib ming g‘am —
Ko‘ngil yotar huvillab, sokin…

* * *

Hamma yoqda shaftoli guli,
Hatto cho‘qqi tortdi qirmizi.
Shu daryosi yuksak cho‘qqidan
Qirg‘oqlarga otadi o‘zin.

Sevging — go‘yo shaftoli guli,
Tez ochilar, qovjirar alhol.
Qiz qayg‘usi haddini bilmas
Toshqin bahor suvlari misol.

Ruschadan Gulnoz Mo‘minova tarjimasi