Rafiq Zako Xandon (Rəfiq Zəka Cəfər Xəndan oğlu Hacıyev) ozarboyjon shoiri, yozuvchi, stsenarist. Professor olim, publitsist. U turk, fors, ozarbayjon tillarida ijod qilgan. Ozarbayjon yozuvchilar uyushmasi a’zosi. 1989 yildan Ozarbayjonda xizmat ko‘rsatgan madaniyat xodimi. Davlat mukofoti laureati.

QURBON BERARDIM

Manga bir kalima jon so‘ylasayding,
U bitta so‘zingga ming jon berardim.
Umringni, kuningni dard aylasayding,
Umrimni, kunimni qurbon berardim.

Bezdirdim man sani sadoqatimla,
Qoldim hasrating-u musibatingla
Ko‘nglimni olsayding bu zulmatingla,
Sanga bir quyoshli jahon berardim.

Bu bir ayriliqki, Saningla, ey gul,
Sira ayriliqdan ayro tushmadik.
Oh, so‘nggi hijronning visoli mushkul,
Tog‘-toqqa duch kelar, biz ko‘rishmadik.

U chog‘lar qandayam manga saydilar,
Ko‘nglimga, ko‘zimga shafaq yoydilar.
Ko‘rgan kunlarimni qaytarsaydilar,
Kelar kunlarimni qurbon berardim…

ARZIM BOR

Men sevay, sen sevma, kel, shunday bo‘lsin,
Senga sev demoqqa ne jur’atim bor?
Yurak o‘zingniki o‘zing bilarsan,
Mening ham ahdimda sadoqatim bor.

Mendek sevgan qani yorug‘ dunyoda,
Boshimdan ketmagay sira bu savdo,
O‘lsam ham sirimni ochmasman doda,
Sandan yor, sanga yor shikoyatim bor…

Yaxshi tanimaysan meni hali san,
Yor solding oshiqlik dildan-dilga san.
Naylayin man shundoq, san ham a’losan,
Maning ko‘p to‘zimlik muhabbatim bor.

Ozarboyjonchadan Dilbar Haydarova tarjimasi