Абдураҳмон ал-Абнудий (عبد الرحمن الأبنودى) (1938 – 21 апрель 2015) – машҳур Миср шоири, болалар ёзувчиси.
ЎҒЛИМГА
Бу дунёда одамларнинг
Энг яхши кўрган иши –
Ўзи эккан дарахтларнинг
Соя солиб туриши!
Ўзинг эккан анжирлардан,
Ё тиклаган бинодан
Қандай яхши – соя тушиб
Турар бўлса дамодам.
Инсон учун ёруғ қисмат,
Энг ажойиб бахтдир бу –
Қулоғингда шу сўзларим
Ўғлим, янграсин мангу!
Музаффар Аҳмад таржимаси