Parashuramning (রাজশেখর বসু) asl ismi Rajshekhar Bosu bo‘lib, G‘arbiy Bengaliya (Hindiston)ning Vardhaman viloyatida 1880 yil 16 martda dunyoga kelib, 1960 yilning 27 aprelida vafot etgan.
U adabiyot maydonida 1920 yildan ko‘rina boshlagan. Bungacha o‘zi dastavval qiziqqan lingvistika va kimyo fanlari bo‘yicha taniqli mutaxassis olim darajasiga ko‘tarilgan, o‘sha vaqtdagi qator davlat mukofotlariga sazovor bo‘lgan edi. Olimning adabiyotdagi ishlariga “buyuk hindu” Rabindranat Tagor yuqori baho bergan. Ayniqsa, Poroshuramning “Chalantika” deb ataluvchi bengalcha izohli lug‘ati bengal millatining faxru g‘ururiga aylangan. Yengil yumor va o‘tkir hajv bilan yo‘g‘rilgan uning katta-kichik asarlari butun Hindistonda shov-shuvlarga sabab bo‘lgan. Qator unvonu mukofotlar sirasida 1956 yilda berilgan eng oliy adabiy mukofot Padma yozuvchining favqulodda iste’dod sohibi bo‘lganidan darak beradi.
Botteshshor Shikdar − san’atga butkul berilgan taniqli yozuvchi, bir so‘z bilan aytganda, adabiyot uning kasb-kori. Odatda yozuvchilik bilan kun ko‘radigan insonlar muhtojlikda yashaydilar, lekin Botteshshor Shikdar badavlat odam. U o‘quvchilar ozg‘iga tushgan katta-katta romanlar muallifi, kichik hikoyalar, maqolalar, she’rlar, sayyohatnomalar davomi…