Кешоков Алим Пшемахович [1914.9(22).7, Шалушка қишлоғи (ҳозирги Кабарда-Балкария, Чегем тумани) — 2001.29.01, Москва, Россия] — кабардин шоири ва ёзувчиси. Кабарда-Балкария халқ шоири (1964). 2-жаҳон уруши қатнашчиси.
Илк шеърлар тўплами — «Тоғ этакларида» (1941). «Чавандознинг йўли» (1946) достони, «Ёшлик замини» (1948), «Шеърлар» (1951) тўпламларида 2-жаҳон уруши воқеалари акс этган. «Чўққилар уйғоқ» (1—2-китоб, 1960, 1966); «Синган тақа» (1973), «Ой чиқиши» (1977) романларида кабардин халқининг ҳаёти тасвирланган.
«Қорли тоғдан қараб» автобиографик қиссаси (1974), «Альхо» пьесаси (1950), «Кўчки» киносценарийси (1951) муаллифи.
Кешоков ўзбек шоирлари (А. Орипов, О. Матжон ва б.) шеърларини кабардин тилига таржима қилган. «Чўққилар уйғоқ» романи ўзбек тилида нашр этилган (1970).
Алим Кешоков. Чўққилар уйғоқ: Роман. Қишлоқ ревкомининг биринчи раиси бўлган отамга бағишлайман (Русчадан Э. Носиров тарж.). — Тошкент, Адабиёт ва санъат нашриёти, 1984. Кабардин адиби Алим Кешоковнинг «Чўққилар уйғоқ» романи Октябр инқилобига бағишланган йирик полотнодир. Бу асарда муаллиф инқилоб шарофати давоми…