Aleks La Guma Janubiy Afrikalik yozuvchi, romanlar va ko‘plab hikoyalar muallifi. Irqchilikka qarshi faol kurashchi. Davlat xoini deb bir necha bor qamalgan. 1966 yilda Janubiy Afrikani tark etib, keyinchalik Londonda yashagan. JARda yozuvchining barcha asarlari taqiqlanagan.
La Gumaning “Tungi sargardonlik” (1962), “Uch bora o‘ralgan ip”(1964), “Tosh o‘lka”(1967), “Tumanlar mavsumining so‘ngida”(1972) romanlari Rossiyada bir necha bor nashr etilgan.
1970 yilda La Guma Osiyo va Afrika yozuvchilari uyushmasi tomonidan ta’sis etilgan “Nilufar” adabiy mukofoti bilan taqdirlangan. U Osiyo va Afrika yozuvchilari uyushmasi Bosh kotibining o‘rinbosari bo‘lib ishlagan.
Ertalabki quyosh tog‘ yonbag‘rini isitdi, maysa va gullardagi shudring birpasda qurib qoldi. Qiyalikda butalar, yosh qarag‘ay va akaslar o‘sayotgandi. Ularning ustida ulkan qarag‘ay va emanlar ko‘kka bo‘y cho‘zgandi. To‘q yashil shox-shabbalar, zangori osmon, sariq granit va kul rang ohaktosh tog‘ni davomi…