Behuda akillagan it bo‘riga yem bo‘ladi.Chechen maqoli

Oldinga qaramay qadam tashlama, atrofga qaramay so‘z boshlama.Chechen maqoli

Uzoqdagi surnay yoqimli eshitiladi.Chechen maqoli

Ot qochsa ushlab kelish mumkin, aytilgan so‘zni qaytarib bo‘lmaydi.Oltoy maqoli

Beshik yasalgan insonga tobut ham yasaladi.Kabardin maqoli

Ishyoqmas poliz qo‘riqchisidan ham yomon, poliz qo‘riqchisi hech bo‘lmasa qo‘rqitadi.Abazin maqoli

Bukrini go‘r to‘g‘rilaydi, ba’zida u ham foyda bermaydi.Gruzin maqoli

Sherni qarilik yengganda uni eshak ham tepadi.Gruzin maqoli

To‘q yashab cho‘chqaga aylangandan nochor yashab odam bo‘lgan afzal.Gruzin maqoli

Bitta taqa topib olgan aytarmish: “Bitta ot va uchta taqa yetishmayapti, xolos”.Gruzin maqoli