Kuba maqollari (36 ta)

• Kambag‘alning qopi to‘lmaydi.
• Tunda sham yorug‘ida eshakning urg‘ochisi ham go‘zal ko‘rinadi.
• Vaqt ayol kabidir: ko‘p va’da berib, kam bajaradi.
• Bekor o‘tgan vaqt uchun o‘liklar ham yig‘laydi.
• Chaqimchi uchun ikki tobut tayyor: biri o‘zi uchun, ikkinchisi tili uchun.
• Agar osmonda yashamasang, noningni o‘zing top.
• O‘lim kelmasidan avval o‘lma.
• Hamma narsa egiladi, lekin haqiqat sinmaydi.
• Ochlik — eshikdan, sevgi — oynadan.
• Ochning tushiga non kiradi.
• Yaxshi maslahatning bahosi yo‘q.
• Xayrli amal maqtovsiz ham go‘zal.
• Yaxshi do‘stlar uzoqdan ko‘rishadilar.
• Va’dadan hech kim qashshoqlashmagan.
• Ilm katta joy egallamaydi.
• Eng yaxshi vino ham mast qiladi.
• Oppoq matoda ham dog‘ bo‘ladi.
• Quyoshning ham dog‘i bor.
• Kim o‘limdan qo‘rqsa, uni asal ham o‘ldiradi.
• Tez va’da bergan uzoq bajaradi.
• Sevmagan tez unutadi.
• Yaxshi boshlangan ish yaxshi tugatiladi.
• Quyosh kirmagan uyga keyin tabib kiradi.
• Tikansiz atirgul bo‘lmaydi.
• Yengiltak ayoldan og‘irroq dard yo‘q.
• Kechasi bolalar urushsa, kunduzi duv-duv gap.
• Birovlar haqida nima deyishayotganini eshit, sen haqingda ham shunday deyishadi.
• Nutq yashash uchun emas, yashay olish uchun zarur.
• Pul va xotin bilan hazil qilma.
• Sevgisiz qalb — gulsiz bog‘.
• Xato qildingmi, uni to‘g‘rilashni ham bil.
• Baxt yuguradi, tog‘ uchadi.
• Yaxshi ish o‘zi gapiradi.
• Yaxshi boshlanish — yarim ish.
• Yaxshi maqol o‘nta kitobga teng.
• Inson nimadan qo‘rqsa, o‘shandan o‘ladi.

Davronbek Tojialiyev tarjima qildi.

Kubaliklar (o‘zlarini kubanos deb atashadi) — Kubaning asosiy aholisi (10,6 mln. kishidan ortiq). Taxm. aholisining yarmi mulatlar, qolganlari oq tanli va negrlar. Umumiy soni 11,4 mln. kishi. Ispan tilining kuba lahjasida so‘zlashadi. Dindorlari — katoliklar.