Ўттиз йиллик уруш 1648 йили Вестфал сулҳи билан ниҳоясига етди. Тинчлик сулҳи Нидерландларнинг бирлашган провинцияларига, Швейцария кантонларига, шунингдек, Муқаддас Рим империяси таркибига кирувчи кўплаб герман давлатларига мустақиллик ва эътиқод эркинлигини берди. Бироқ бу шартнома Бурбонлар ва Габсбурглар ўртасидаги тинчликни ўрната олмади, натижада 1659 йилга қадар Франция ва Испания ўртасида тожу тахт учун кураш давом этди.