«Янги дунё» деган ном илк маротаба ёзувчи Америго Веспуччи асарларида тилга олинганди, Колумб очган қитъанинг номи ана шу ёзувчи шарафига Америка деб аталгандир.

1503 йилда Веспуччи герцог Пётро Медичига ўз саёҳатлари ҳақида бир мактуб юллайди. Ушбу мактубига у «Янги дунё» деб сарлавҳа қўйган эди.

Мактуб шаклида ёзилган ана шу асар орқали маърифатли Европаликлар янги қитъа ва уни кашф этган кишилар тўғрисида илк бор билиб олди. Шуни таъкидлаш керакки, Америго Веспуччи нафақат ўз саёҳатларини батафсил баён этади, балки айни пайтда у Колумб бу ерда нималар қилганлигини ҳам ҳар томонлама тасвирлаб беради.

Веспуччи Америкага келиб қолган европалик саёҳатчиларнинг бошидан кечирган барча ташвиш ва қийинчиликларни бошқаларга қараганда анча яхши биларди. Колумбдан фарқли ўлароқ, Веспуччи ажойиб бадиий истеъдодга эга эди, шу боисдан ҳам ўқувчилар хотирасида Колумбнинг эмас, балки Веспуччининг номи абадий сақланиб қолди.