Эстуарий дельтадан нимаси билан фарқ қилади?

Дарёнинг кўл ёки денгизга қуйилиш жойи этак деб аталади. Кенг бир шохобчали этак эса эстуарий деб аталади. Этак турли қум ва лойқа чўкиндилари билан тўсилиб қолади ва дарё оқимини турли шохобчаларга бўлиб ташлайди. Бундай этак дельта деб аталади.

Агар дарё денгизга қуйиладиган бўлса, унинг этаги шакли денгиз сувининг кўтарилиши ҳамда дарё суви оқими суръатига боғлиқ бўлади. Нилнинг Ўрта Ер денгизидаги дельтасида, қумли саёзликларга қарамасдан, ботқоқлик ҳосил бўлмаган. Рона дарёси эса ўз этагига шу қадар кўп лойқа олиб келганки, бир замонлар авлиё Людовик ўз салиб юришларини бошлаган собиқ Эг-Морт порти — бандаргоҳи бугунги кунда этак денгизга йўлни ёпиб қўйган ва текисликдаги шаҳарга айланган. Жанубий Америкадаги Амазонка дарёсининг суви шу қадар кўпки, ҳатто унинг этагидан юз километрлаб нарида ҳам шўр сувни учратмайсиз. Хуанхэ (Хитой) дарёси оқизиб келадиган лойқа эса сувни сариқ рангга буяйди. Шунинг учун ҳам дарё — Сариқ дарё деб аталади.