Ҳуснинисо Аҳмедова 1959 йил 12 февралда Тожикистоннинг Суғд вилояти (собиқ Ленинобод) Ғончи туманидаги Иторчи қишлоғида зиёли оиласида туғилган.
1977-82 йилларда Тошкент Давлат Университети (ҳозирги Ўзбекистон Миллий Университети) журналистика факултетида таҳсил олган. Таҳсилни тугатгач, Суғд вилояти телевидение ва радиокомитетида, «Қадрият» газетасида журналистик фаолият юритган.
«Ўзга ҳовли ҳавоси», «Тахайюл» китоблари нашр этилган. «Чангда қолган гул» қиссаси ва қатор ҳикоялари Ўзбекистоннинг «Шарқ юлдузи», «Саодат», «Санам», журналларида, Тожикистон даврий нашрларида, хусусан, «Суғд ҳақиқати», «Қадрият» газеталарида, «Нафосат», «Суғд юлдузи» журналида чоп этилган. Шунингдек «Қадр», «Орзулардан очилган чечак», «Нафис сўз шайдолари», «Ширу шакар» каби коллектив тўпламларга унинг бир қатор ҳикоялари киритилган.
Кенагасликлар уни “Икромали боғбон” деб аташади. Чунки қишлоқда унинг олдига тушадиган пайвандчи боғбон йўқ ҳисоби. Икромали дарахтни ҳафсала билан пайвандлайди. Уни кўндалангига кесиб, юзасини боғ пичоғи билан обдон силлиқлайди. Пайванд танасининг ўрта қисмини ёриб, унга пайвандуст бўлган дарахтнинг ҳар икки давоми…
“Оҳ, Нафиса! Бу исмни сенга ким қўйган ёки ўзинг унга мослашиб улғайганмисан? Овозинг ҳам нафис, бармоқларинг худди чиннигулнинг япроқларига ўхшайди, лабларинг…” Нафиса ижирғанди, шакаргуфтор сўзларни бошқа эслагиси келмади. Ёнгинасига узун қизил автобус келиб тўхтади. Шоҳбекат радиокарнайидан “Анжан афтобуси 42-плошадкадан жўнийди”, давоми…
Январ ойидаги қуруқ об-ҳаво феврал киришида ҳам ўзгармади. Янги йилни ички бир дилгирлик билан қорсиз кутиб олсак ҳам, кўнглимизда ҳали икки ой қиш фасли бор-ку, деган умид йўқ эмасди. Қишнинг сўнгги ойи қисқа бўлгани учунми, кунлар ҳам бир тутамдек туюларди. давоми…
– Ҳий-й, шўрима, кап-катта хотинни ҳўнгиллашини-и-и. Ҳе, осонакан-да бировнинг бир парча оқини олиб, эшигини очиб қайтиш. Бир кирган жойингга тўрт-беш бош урасан, бориб келавериб калиш йиртасан. Завчилик – қулчилик, балам, асти ёш тўкма, сани балангаям атагани бордир…Моҳира хола қаттиқ-қуриқ гаплар давоми…