Тоғай Мурод. Танланган асарлар / I жилд: Қиссалар. — Т.: «Шарқ» нашриёт-матбаа концернининг Бош таҳририяти, 2008. — 448 б.

Ўзбекистон халқ ёзувчиси, Абдулла Қодирий номидаги Давлат мукофоти совриндори Тоғай Муроднинг ҳикоялар, қиссалар ва романлар, сара мақолалар, кундалик дафтардан битиклар ҳамда таржималар ўрин олган тўрт жилдлик «Танланган асарлар»и адабиёт мухлисларига такдим қилинмоқда. Мазкур нашр ёзувчининг ўзи ҳаётлигида тартиб берган тарзда чоп этилмоқда.
Тоғай Мурод қиссалари аллақачон ўзбек хонадонининг севимли китоблари жавонидан ўз ўрнини топган. «Танланган асарлар»нинг биринчи жилдига ёзувчининг халқимиз орасида довруқ қозониб, китобхонлар кўнгил мулкига айланган тўрт қиссаси жамланди.