Yuxan Viyding Tallinda, atoqli shoir va adib Paul Viyding oilasida tavallud topgan. Yuri Yudi (Jüri Üdi) – uning taxallusi. 1972 yil Tallin Davlat konservatoriyasining teatr san’ati va dramaturgiya fakultetini tamomlagan. Uning ko‘plab she’riy to‘plamlari, dramalari chop etilgan, shu bilan birga u aktyor sifatida ham shuhrat qozonib kelayotgan edi. 1995 yil fojiali halok bo‘lgan.
***
Kuydiradi, bevosh, bezori,
Yuragimga botar ozori.
Kecha uyga kelib bemahal,
O‘zin soldi ko‘zguga avval.
Almashtirib egni-boshini,
Yana takror ko‘zguga boqib,
Kiyib ko‘rdi boshqa tusini.
So‘ng yana bir qarab ko‘zguga,
Qiyofasin ayladi taftish.
Ketdi.
Men esa – otaman, uning otasi
Uyda qoldim yolg‘iz,
Uni sog‘inib.
***
Bu shoir.
Nimalar haqda yozar u?
Hayot haqida.
She’rlarida yo‘qdir hech narsa
Hayotdan boshqa.
Bir o‘zi
Hammaning diqqatin jalb etib,
Neni o‘rgatadi hammaga ?
Uxlab qolmaslikni
O‘zni unutib.
Bu esa juda muhim.
Rus tilidan Nodira Abdullayeva tarjimasi