Ingliz adibasi Uida (asl ismi Mariya Luiza Rame) ko‘plab maroqli asarlar yaratgan. Uning qahramonlari olijanobligi, mardligi va kamtarligi bilan maftun etadi.
Adibaning “Nello va Patrash” hikoyasida iste’dodli flamand o‘smirining og‘ir turmushi va ayanchli qismati tasvirlanadi. Hikoya qalbni larzaga soladigan hayotiy lavhalarga, ta’sirli turmush manzaralariga boy.
I Nello va Patrash bu shafqatsiz dunyoda deyarli yolg‘iz edilar. Ularni ko‘p yillik chin do‘stlik iplari chambarchas bog‘lab turardi. Nello — yosh bola, Patrash — katta flamand iti, Nello — go‘dak, Patrash — keksa it, shunga qaramay, ular tengdosh edilar. davomi…