Qosimbekov To‘lagan (Tөlөgөn Kasыmbekov; 1931.15.1, Qirg‘iziston, Jalolobod viloyati Yangiyo‘l tumani Aqjo‘l qishlog‘i – 2011.16.6, Bishkek) — Qirg‘iziston xalq yozuvchisi (1986).
«Yilqichi o‘g‘li» (1956), «Tug‘ilgan yer» (1958) kitoblari, «Odam bo‘lgim keladi» (1960) qissalari bilan tanilgan.
«Singan qilich» (1966) romani mashhur. Asarda qirg‘iz xalqining 19-asr o‘rtalaridagi hayoti tasvirlangan. Qo‘qon xonligi davriga oid tarixiy voqealar, O‘rta Osiyoning ruslar tomonidan zabt etilishi, uning o‘zbeklar va qirg‘izlar taqdiriga ta’siri epik planda ko‘rsatilgan.
«Kel-kel» («Tole’», 1986) romani — «Singan qilich»ning mantiqiy davomi bo‘lib, unda 19-asrning 2-yarmi va 20-asrning 1-choragidagi O‘rta Osiyo xalqlari hayoti To‘qtag‘ul, Qurbonjon dodxoh kabi tarixiy shaxslar taqdiri orqali ochib berilgan.
To‘lagan Qosimbekov. Singan qilich: Tarixiy roman. (Redkol.: B. Boyqobilov va [boshq.]; Tursunboy Adashboyev erkin tarjimasi; Taqrizchi Zuhriddin Isomiddinov. — Toshkent, Adabiyot va san’at nashriyoti, 1980. — (Do‘stlik kutubxonasi. SSSR xalqlari prozasi.)
May oyining avji gullagan pallasi. Qoq tush. Yolg‘iz o‘zim Oqsuv tarafdan kelayapman. Egri-bugri, pastu baland yo‘lda bir maqomda xotirjam yurib, ora-sira otim pishqirib ovul sari enayotirman. Dovonga tirmashib chiqayotganda qarasam, ulovimning bo‘yni terlab, oriq bo‘lishiga qaramay, quyushqonning atrofi ko‘piklabdi. Pastga davomi…