Қосимбеков Тўлаган (Төлөгөн Касымбеков; 1931.15.1, Қирғизистон, Жалолобод вилояти Янгийўл тумани Ақжўл қишлоғи – 2011.16.6, Бишкек) — Қирғизистон халқ ёзувчиси (1986).
«Йилқичи ўғли» (1956), «Туғилган ер» (1958) китоблари, «Одам бўлгим келади» (1960) қиссалари билан танилган.
«Синган қилич» (1966) романи машҳур. Асарда қирғиз халқининг 19-аср ўрталаридаги ҳаёти тасвирланган. Қўқон хонлиги даврига оид тарихий воқеалар, Ўрта Осиёнинг руслар томонидан забт этилиши, унинг ўзбеклар ва қирғизлар тақдирига таъсири эпик планда кўрсатилган.
«Кел-кел» («Толеъ», 1986) романи — «Синган қилич»нинг мантиқий давоми бўлиб, унда 19-асрнинг 2-ярми ва 20-асрнинг 1-чорагидаги Ўрта Осиё халқлари ҳаёти Тўқтағул, Қурбонжон додхоҳ каби тарихий шахслар тақдири орқали очиб берилган.
Тўлаган Қосимбеков. Синган қилич: Тарихий роман. (Редкол.: Б. Бойқобилов ва [бошқ.]; Турсунбой Адашбоев эркин таржимаси; Тақризчи Зуҳриддин Исомиддинов. — Тошкент, Адабиёт ва санъат нашриёти, 1980. — (Дўстлик кутубхонаси. СССР халқлари прозаси.)
Май ойининг авжи гуллаган палласи. Қоқ туш. Ёлғиз ўзим Оқсув тарафдан келаяпман. Эгри-бугри, пасту баланд йўлда бир мақомда хотиржам юриб, ора-сира отим пишқириб овул сари энаётирман. Довонга тирмашиб чиқаётганда қарасам, уловимнинг бўйни терлаб, ориқ бўлишига қарамай, қуюшқоннинг атрофи кўпиклабди. Пастга давоми…