Ёзувчи Чон Мёнг Кван корейс насрининг кенжа авлод намоёндаларидан бири ҳисобланади. У 1964 йили Кореянинг Кёнгидо вилояти Ёнг-ин шаҳрида туғилган. У дастлаб киностсенарийчи сифатида фаолият юритган бўлса, 2003 йили “Френк” номли ҳикояси билан адабиётга кириб келди. Шу йили Кореядаги нуфузли “Munhak dongne” нашриётининг “Энг яхши насрий дебют” йўналиши соҳиби бўлди. 2004 йили эса ушбу мукофотнинг “Адабиёт юзи” йўналишида ғолиб бўлди. 2004 йили корейс китобхонларининг севимли романига айланган “Денгиз кити” асари нашр қилинган бўлса, 2010 йили Чон Мёнг Кван сценарийси асосида “Қўшни уйдаги эркак” филми экранга чиқди. 2010 йили ҳам Чон Мёнг Кван ижодида баракали бўлди: унинг “Қариган оила” қиссаси ҳам қўлма-қўл бўлди. 2012 йил март ойида эса унинг “Брюс Ли –менинг тоғам” номли қиссаси нашрдан чиқди.
1 Гапнинг пўскалласини айтганда: мен Френк билан умуман учрашмаганман. Ҳатто асл корейсча исмини ҳам билмайман. Тасаввурим эримнинг у ҳақида айтиб берган гаплари доирасидагина эди. Улар болалик чоғларида ёнма-ён уйда яшашган, карате тўгарагига бирга қатнашган ва ёшлари улғайгач ҳам елкама-елка бўлишган. давоми…