Tabiatda foydali va inson uchun zarur bo‘lgan hasharotlarning ko‘p turi bor. Ammo ular orasida chaqadigan va nish sanchadigan, kasalliklar tarqatadigani ham mavjud.

Ko‘p hasharotlar chaqqani bilan unchalik zarar yetkazmaydi. Ayrim odamlarning asalari va ari chaqishiga allergiyasi bor. Hasharotlar chaqqanda, ular darhol shifokorga murojaat qilishi, allergik reaktsiyaning oldini oladigan dori qabul qilishi lozim.

Iskabtoparlarning ayrim turlari bakteriyalar tarqatib, turli kasalliklar, masalan, sariq bezgak, bezgak, uyqu kasalliklarini keltirib chiqaradi. Hasharotlar bu mikroblarni o‘zi bilan tashib, chaqqan qurboniga yuqtiradi.

Terlama kasalligini bitlar tarqatadi. Odamlar juda g‘uj yashayotgan joylarda bu kasallik ancha xavflidir. Pashshalar vabo, ichburug‘, sariq va terlama bezgagini tarqatadi. Hasharotlar tomonidan tarqatiladigan barcha kasalliklar chang-chung bo‘lmagan, ozoda va top-toza joylarda kamdan-kam uchraydi. Bunday sharoitda hasharotlar tez ko‘paya olmaydi.