Adham Damin 1951 yil 19 oktyabrda Farg‘ona viloyatining Bag‘dod tumanida tug‘ilgan. Toshkent davlat universitetini tamomlagan (1974). “Toshkent oqshomi” gazetasida muxbir, “Yosh kuch” jurnalida muharrir, katta muharrir, “Ishonch” gazetasida muxbir bo‘lib ishlagan. 1994 yildan “Temiryo‘lchi” gazetasida muxbir. Yozuvchining “Jur’at”, “Futbolchi”, “Men sizga aytsam”, “Bag‘dodchasiga kulganda”, “Begunoh sevgi”, “Hayot va o‘lim”, “Saylanma” , “Bizda ham g‘urur bor” kabi kitoblari chop etilgan.
Debocha Erkak kishi bo‘lib men sizga so‘nggi kunlarda boshimga tushganlarni aytsam yo ishonasiz, yo ishonmaysiz, ammo har ikki holda ham ustimdan miriqib kulishingiz tayin. Mayli, kulsangiz kula qoling. Balki mendek bir bechoraning boshiga tushgan kutilmagan sarguzashtlardan umringiz uzayar. Ammo kelib-kelib davomi…
Adham Damin. Saylanma. Roman va qissalar. — Toshkent, «Sharq», 2006. Ushbu «Saylanma»ning 1-jildi yozuvchining 55 yoshida kitobsevarlarga qilgan tuhfasidir. To‘plamga muallifning bir romani va besh qissasi kiritilgan. Roman ko‘nglida ERK va YuRT mustaqilligi orzusi bo‘lgan, biroq bu kunlarga yetib kela davomi…
Adham Damin. Jur’at: Hikoyalar. — Toshkent, Adabiyot va san’at nashriyoti, 1982. Yosh qalamkash Adham Daminovning hikoyalarida turli hayotiy voqea-hodisalar, kishilararo kundalik munosabatlar ifoda etiladi. Muallif zamondoshlarimizni qiziqtirgan axloqiy masalalarni baqadri imkon yoritishga harakat qiladi. MUNDARIJA O‘qilmagan maktub Asorat Ko‘ngil Olapar davomi…
Hammasini soch-coqolini oldirgani kelgan qadrdoni Abdurahim montyor qo‘zg‘ab ketdi.– Usta, qo‘lingiz gul-da, bir zumda odamni onadan qayta tug‘ilgandek qilib qo‘yasiz-a, – dedi avvaliga maqtab. So‘ng deraza tarafni ko‘rsatib gapini uladi. – Mana, bahor yaqin, hamma yoqqa yashil tus urib qoldi, davomi…
Meni shaydo qiladurg‘on bu ko‘ngildur, bu ko‘ngil, Xoru rasvo qiladurg‘on bu ko‘ngildir, bu ko‘ngil. Lutfiy …U vaqtlar endigina birinchi sinfga qatnay boshlagandim. Bolaligida aqli yetmagan ko‘p narsalarni vaqt o‘tgan sayin chuqurroq his qilarkan kishi. Uyimizda otamning kichik singlisi Mohiniso to‘g‘risida davomi…
Anchadan beri biror narsa yozolmay bezovtaman. Yozuvchi uchun bundan yomoni yo‘q. Ammo-lekin osmoni falakda uchib yuradigan ilhom parisini tutib olishning o‘zi bo‘ladimi? Shunday bo‘lgach, uni tutish chorasini ko‘rish kerak… Keyin-chi? Topilgan mavzuni qoyillatib qoralash kerak… E, bu yog‘ini o‘ylayversang, boshing davomi…
Dunyo go‘zal, xayollar esa uni yanada go‘zal qilarkan. Eh-he, bu mo‘tabar boshga kapalak misol ohista kelib qo‘nadigan cheksiz xayollar yigitlik chog‘laringda ko‘ngil qo‘ygan sohibjamol haqida, o‘sha qora qosh, qora ko‘z jononga bo‘lgan otashin muhabbating haqida bo‘lsa-chi, oh-oh, bu go‘zal dunyo davomi…
Ochig‘i eslamay deyman-u, lekin turib-turib alam qilarkan-da, kishiga. Siz uning mushugini “pisht” demasangiz-u, u siz haqingizda ko‘pchilik o‘rtasida bo‘lmag‘ur gaplarni qilsa, Shodivoyning bugungi majlisdagi gaplarini aytaman-da. “Yoshsiz uka, mundoq ko‘krakni ko‘tarib yuring! Odamlar bilan muomalada o‘z qadringizni yerga urmang! Laganbardorlik davomi…
Kechasi uyga shirakayf kirib kelganimda uyqusiragan ko‘zlarini ishqalab, «Namuncha» deya xushlamay eshik ochgan xotinimni ko‘rgach, vaqt allamahal bo‘lib qolganini payqagandek bo‘ldim. «Ovqatni isitaymi?» degani qulog‘imga dag‘al eshitildi. «Emayman!» dedim keskin. Qorin och bo‘lsa-da, bizda ham g‘urur bor.Xotinim xo‘mrayganicha yotoqqa kirib davomi…