Найто Мэйсэцу (1847-1926)

Найто Мэйсэцу (内藤鳴雪) (1847 – 20 февраль 1926) – япон шоири. Нариюки ва Нанто номлари билан ҳам машҳур.

“Мэйсэцу хайку тўплами” китобидан

* * *

Совға олдим –
Чой идишда уйга олиб кетмоқдаман
Олтин балиқчани…

* * *

Тип-тиниқ сувда
Қимирламас уйқудаги балиқлар.
Куз ҳавоси…

Русчадан Турсун Али таржималари

***

Оғилхона устида
Порлар янги ой.
Олхўри гуллабди.

***

Қайтариб келади ўз овозимни
Яна ўзимга
Кузги бўронлар.

***

Ой порлаётир.
Оёқ қўйдим осма кўприкка,
Лапанглади кўприк ғижирлаб .

***

Юрмаётган отининг
Жиловидан тортар зўр бериб
Аравакаш совуқ кечада.

***

Эшитилар ойна ортидан
Дехқон кетмонининг чиқирлашлари.
Шудгорда тош кўп.

***

Зилол сувли дарё,
Лапанглаб оқмоқда
Сувга қулатилган ходалар.

***

Тутунларда кўринмай кетар
Саргашта рохиб.
Олисларда янграр қўнғироқ.

***

Чуғурчуқлар галаси
Учиб ўтди тепамдан.
Эшитдим қанотлар шувиллашини.

***

Менга совға беришди,
Уйга олиб кетяпман сувли косада
Олтин балиқчани.

***

Қиш ёмғири.
Хамма нарса жим.
Қирғоқдаги қайиқ ҳам ҳатто.

***

Гўё итоаткор капалакни олдига солиб
Хайдаб келаётганга ўхшар
Сўқмоқдаги йўловчи.

Холдор Вулқон таржимаси