“Баҳор хаёли”, “Кўкарган тош”, “Лаъл”, “Гирдбод”, “Ваҳдатсиз йўқман” каби шеърий мажмуалар ва достонлар муаллифи. Шеърлари рус, украин, қирғиз, ўзбек тилларига ўгирилган. Тютчев, Шестаков, Петрарка, Р.Парфи, М.Али каби таниқли шоирлар шеърларини тожик тилига таржима қилган. Айни пайтда Сўғд вилояти Ёзувчилар уюшмаси раиси. Рўдакий номидаги Тожикистон давлат мукофоти соҳиби, халқ шоири.

* * *

Туш каби келмасанг, тушимга кирмасанг,
Қайдасан?!
Қайдасан, кўнглимда нидосан.
Эй менинг ёш қалбим бир жаҳон ғами,
Сен буюк севгимга жазосан, жазосан.
Дилимнинг заҳмига ишқ малҳам, даводир,
Муҳаббат гиёҳи, давосан, давосан!
Кишилар хатодан қўрқсалар, сени мен
Топдим-ку хатодан, хатосан,
хатосан.
Қалдирғоч бўлгандинг, дилимда ошёнинг,
Эшигин очгандим, киргин деб мен то сан.
Сендадир менинг бу жонимнинг куйлари,
Дардларим олгувчи шифосан, шифосан!

ЁШЛИК ЖАВЛОНИ

Мисли пок жавҳар эрур кўзгуси виждоними,
Ҳар қуёш нури каби шуъласи бу жоними.

Ҳар кеча кўкдан қарар ер сори ситоралар,
Бил алар ҳайратларин дийдаи ҳайроними.

Тун аро кўк томидан учди юлдуз шабнами,
Оқма ашк ситорадай доғлатиб чашмоними.

Нур каби парвозию боз шашти-ла бу ҳаёт,
Эпчил от янглиғ қаритгай мени жавлоними.

Кимса мендек олмади бу умр лаззатларин,
Вақт сипоҳи юлди лек давлату давроними.

Ваҳки, ёшлик аррадир, куйдирар умрингни, лек
Сўнг тегирмон суйидай охири ер дандоними.

Жамшид таржимаси