Сона Ван — америкалик арман аслли шоира. 1952 йили Ереванда туғилган.
* * *
Билмадим
шунчалар бахтиёр
кўз очдим бугун
қаршимда
илоҳий саралаш
хоҳласам юраман
хоҳласам парвоз этаман.
Ер енгил
осмондай
не қилай ахир?
Қайга
қадам урай
бундай кезларда?
Жимгина
сунасан
кўрсаткич бармоғинг
пешонадан
бурунга қадар.
лабларим рангларида
ҳайқирдинг
кўрган каби
илк бор сўқирни,
самодай бегардсан
эҳ, ахир!
Хуш қадамли
ҳар битта кунлар
олис жаннат гўшаларими?
Фильмдаги
наслсиз
фаришта монанд
елкаларим силаб қўйганча
кўкка тикилдим.
Ер енгил
ҳаводай тоза,
истасам
парвоз этаман…
* * *
Мен бу куйни
шўх қаршилайман
қайсики туғилар
такрор гуноҳимнинг
оҳангларидан
кўҳликкина
куйнинг оҳанги
оёқларим
(рақсга тушмаган)
рақс ҳақда хаёл сураман
орқамдан эргашар
яна кимлардир.
Мен бу куйни
яхши кўраман
қайсики
гуноҳларим такрор
оҳангининг
ҳосиласи у
* * *
Ойнадан
қўлимни чиқарсам
оппоқ қорнинг
оқ ниналари
кафтларимга масъум тўкилар
эскиган тожнинг
тикани улар.
Бугун сен туғилган кун,
Биз қорган
хамирда
ловуллаб ёнади
икки мингта шам
сен эса йўқсан.
Ўз тожини
беғам майдалаб
сепиб қўйган ернинг устига.
Мана менинг қўлим
ерга туш
эгил кафтларимга.
Мен сенга етаман
отам
сенинг нозик сиймонгни
оҳисталик билан
олиб
қўйган каби
арча устига.
Онамнинг бармоқлари
ёндирар
икки минг шамни,
сўнгги бор
қўлимни узатдим
ойнадан,
хоҳласанг
кел
эгил кафтларимга.
Рус тилидан Гўзал Бегим таржималари