Томмазо Ландолфи (9 август 1908, Пико, Казерта — 8 июль 1979, Рончильоне, Италия) — италян ёзувчиси ва таржимони.Рим ва Флоренцияда ўқиган. Анна Ахматова ижодидан диплом иши ёқлаган (1932). 1929 йилдан ижодга кириб келган. Флоренция и Римдаги журналларда ўз ижод намуналари билан қатнашган. Фашизм режимига қарши чиққани учун бир ой қамоқда ўтирган (1943). Урушдан сўнг қизғин ижод билан шуғулланган. Русча, французча ва немисчадан таржималар қилган (Пушкин, Лермонтов, Гоголь, Достоевский, Тютчев, Тургенев, Достоевский, Лесков, Чехов, Бунин, Нодье, Мериме, ака-ука Гриммлар, Гофман, Гофмансталь, Кафка). Томмазо Ландолфи Стрега, Кампьелло, Виареджо, Багутта каби Италиянинг машҳур адабий мукофотлари совриндоридир. Унинг «Имконсиз ҳикоялар» (1966) фантастик новеллалар тўплами, «Куз эртаги» (1947), «Замонамиз севгиси» (1965) каби асарлари машҳур.