Озарбойжонлик адиба ва драматург Офоқ Масъуд 1957 йили Боку шаҳрида туғилган. Ўндан ортиқ роман, пьесалар ва бир қанча ҳикоялар муаллифи. Ижодини 1977 йилдан бошлаган.«Учинчи қават», «Шанба оқшоми», «Йўлак», «Ёлғиз», «Оломон», «Озодлик» каби китоблари нашр этилган. Г. Г. Маркес, Т. Вульф, Х. Кортасар, Х. Л. Борхес асарларини озарбойжончага таржима қилган. Озарбойжон Миллий академиясининг «Гумай» мукофоти совриндори, Озарбойжонда хизмат кўрсатган санъат арбоби. Озарбойжон Ёзувчилар уюшмаси қошидаги бадиий таржима маркази раисаси, «Хазар» жаҳон адабиёти журнали бош муҳаррири.
Ғулом Ҳусайнли Фанлар академияси ҳовлисига қадам қўйди-ю, кутилмаган манзарадан саросимада қолди. Чамаси, шаҳарни мўр-малаҳдай босиб кетган, дуч келган муассасаю дўкон ва емакхоналар пештоқига ҳар турли лавҳаларни осиб, кўча-кўйда беғамгина кавшаниб юрадиган, юзлари қип-қизил ажнабийлар, ниҳоят, бу даргоҳга ҳам бошини тиққан давоми…