Михаил Афанасьевич Булгаков (1891.3(15). 5, Киев – 1940.10.3, Москва) — рус ёзувчиси. Киев университетининг тиббиёт факультетини тамомлаган (1916). Илк тўплами «Иблиснома»да (1925) жамланган ҳажвиёти ўша давр матбуотида катта шов-шувга сабаб бўлади. «Оқ гвардия» (1925— 27) тугалланмаган романи мавзуи асосида «Турбинлар куни» пьесасини ёзади (1926 йилда саҳналаштирилган). Бу асарларида «Қочиш» (1926-28; 1957 йилда саҳналаштирилган) пьесасидаги каби эски рус зиёлилари кайфиятидаги кескин ўзгариш, «оқлар» ҳаракати ғояси, муҳожирлик йўлининг самарасизлиги акс этган. «Зойканинг уйи» (1926 йилда саҳналаштирилган), «Бахмал орол» (1928 йилда саҳналаштирилган) комедияларида Булгаков янги иқтисодий сиёсат тарафдорларининг турмуш ва ахлоқини мазах қилади, биқиқ театр муҳитидаги урф-одатлар устидан кулади. 20-йиллар охирида рус адабий танқиди Булгаков ижодини салбий баҳолайди, унинг асарлари нашр этилмайди, пьесалари театр саҳналаридан олиб ташланади. 30-йиллар бошларидан Булгаков театрда режиссёр ёрдамчиси бўлиб ишлайди, Гоголнинг «Ўлик жонлар» (1932) асарини саҳналаштиради. «Жаноб де Мольер ҳаёти» биографик повестида (1932—33 йилларда ёзилиб, 1962 йилда нашр этилган) Булгаков ҳақиқий санъат билан мустабид тузум бир-бирига зидлигини тасвирлайди. 30-йиллардан умрининг охиригача Булгаков «Уста ва Маргарита» романи устида ишлайди (1966— 67 йилларда нашр этилган). «Итюрак» асари (1987) асосида кинофильм яратилган. «Уста ва Маргарита» Қодир Мирмуҳамедов томонидан ўзбек тилига таржима қилинган (1987).
Ув-увууу-ув! Мен шўрликка бир разм солинглар, ўляпман, ахир. Ташқарида ўкираётган бўрон бамисоли жанозамни ўқияпти, мен ҳам бўронга қўшилиб ув тортяпман. Шўргинам қурсин, шўргинам… Халқ Хўжалиги Марказий Кенгашининг оддий ишчилар ошхонасида исқирт қалпоқли бир аблаҳ ошпаз устимга қайноқ сув тўкиб, чап давоми…
Қуёш Орешнев қарағайлари орқасига ўтиб ботаётган маҳалда, Қайғу Худоси Аполлон саройнинг олд томонидан соя тарафга ўтиб олди. Шу пайт музей назоратчиси Татьяна Михайловнанинг ҳужрасидан фаррош Дунька югурганча келиб: – Иона Васильич! Ҳой Иона Васильич! Юра қолинг тезроқ, сизни Татьяна Михайловна давоми…
Қайда қолди бутун олам мен туғилган кун? Қани Москванинг электр фонуслари? Қани одамлар? Қаёққа ғойиб бўлди замину осмон? Деразам ортида ҳеч нима кўринмайди! Зулумот… Бизлар бутун башариятдан узилиб қолганмиз. Керосин билан ёқиладиган кўча фонусларининг энг яқини бу ердан тўққиз чақирим давоми…
10 банддан иборат достон (Муқаддима ва хотимаси билан) — Ушла, маҳкам ушла, аҳмоқ! — деб чинқирарди Чичиков аравакаш Селифанга. — Шопим билан чопиб ташлайман сен бадбахтни! — дея бақирарди отларни елдек учириб келаётган мўйловдор чопар. — Нима, кўрмисан, арвоҳ ургур, давоми…
Иштирок этадилар: ЗИНАИДА МИХАЙЛОВНА – киноактриса. УЛЬЯНА АНДРЕЕВНА – уйбошқарувчи Буншанинг хотини. МАЛИКА – Иван Грознийнинг рафиқаси. ТИМОФЕЕВ – ихтирочи. МИЛОСЛАВСКИЙ – Жорж. БУНША – Бунша-Корецкий, уйбошқарувчи Иван Васильевич. ШПАК АНТОН СЕМЁНОВИЧ. ИВАН – Иван Грозний. ЯКИН – кинорежиссёр. КОТИБ давоми…
Асарнинг тўлиқ вариантини сақлаб олинг.