Konstan Byurno (Constant Burniaux) — belgiyalik shoir, yozuvchi, tanqidchi. “Tentaklik”, “Akvarium”, “Notinch damlar”, “Kalloo – tasavvurdagi qishloq” romanlari, “Hajviya va muhabbat haqida”, “Katerina” kabi ko‘plab novellalar muallifi. Frantsuz tilida ijod qilgan.
Voqealarni aslidagidek tasvirlashga odatlangan yozuvchi reallikning shafqatsiz ifodasidan cho‘chimaydi. Jumladan, quyida e’tiboringizga havola etilayotgan “Katerina” hikoyasi bosh qahramoni – o‘z bolasini o‘ldirgan onani ayblash oson. Ammo muallif o‘quvchini hukm chiqarishdan avval Katerinaning shu dahshatli qilmishiga nima sabab bo‘lganini chuqurroq mushohada qilishga undaydi.