Chadraabalin Lodoydamba — mongol yozuvchisi, Mongoliya davlat mukofoti laureati.
1951 yili Ch. Lodoydambaning «Oltoyda» nomli birinchi mo‘g‘ul romani nashr etilgan. Asar yangi Mongoliyaning tashkil topishida mehnatkash ziyolilarning rolini ko‘rsatish jihatidan dastlabki urinish edi.
«Beorom Tamir» yirik, ko‘p planli, epik polotnodir. Romanning birinchi kitobi 1962 yili, ikkinchi kitobi 1968 yili e’lon qilindi. Roman birinchi jahon urushi yillaridan tortib, 1932 yili Mo‘g‘ulistonda lamalarning kontrrevolyutsion g‘alayoni bostirilgunga qadar bo‘lgan voqealarni o‘z ichiga oladi. Bu yillar yangi Mo‘g‘uliston tarixida eng notinch, murakkab va keskin davr hisoblanadi. Mamlakatning Xitoy militaristlari tomonidan bosib olinishi, baron Ungernning oq gvardiyachi bandalari tomonidan uyushtirilgan hujumi, ichki nizolar va nihoyat, 1921 yilgi xalq revolyutsiyasi voqealari shular jumlasidandir.