Chex adibi Bogumil Grabalning (Bohumil Hrabal) XX asr adabiyotida o‘ziga xos o‘rni bor. 1914 yilda tug‘ilgan yozuvchi o‘tgan asrning oltmishinchi yillariga kelib katta shuhrat qozondi.
Frantsiya, Italiya, Germaniya, Vengriya, Polsha, Skandinaviya, AQSh, Kanadaning nufuzli adabiy jurnallari uning qissa va hikoyalarini bosib chiqardi.
“Qa’rdagi mitti dur”, “Maxsus vazifali poyezdlar” kabi yigirmadan ortiq kitoblar muallifi bo‘lgan bu yozuvchining qahramonlari asosan murakkab taqdirli, hayotda qiynalgan va lekin qat’iyatli kishilardir.
U eng jirkanch va fojeali holatlar zamiridan ham go‘zallik ilg‘aydi, nafislik, latiflik va ezgulikni oddiy va hatto g‘arib kishilar orasidan qidiradi va topadi.U 1994 yili Nobel mukofotiga nomzod, 1967 yili stsenariysi uchun “Oskar” mukofoti laureati bo‘lgan.
Qarag‘ayzorda joylashgan “Agnetsning go‘sht savdosi” atalmish uch qanotli villa yozgi qarorgoh hisoblanar, uning alohida qo‘riqxonasida bug‘u, tog‘ kiyiklari va qirg‘ovullar boqilar, ularni shundoqqina villa yotoqxonasi derazasidan turib otib olish mumkin edi. Basharti villa xo‘jayini pan Agnetsning ko‘ngilxushlik qilgisi kelib qolsa, davomi…