Азиз Зиё 1914 йили Мадинаи Мунавварада туғилган. Дастлабки саводини Мадинадаги куттабда, кейинчалик Ҳошимия мактабида чиқарди. Сўнг 1927 йили Маккаи Мукаррамадаги тиббиёт мактабида ўқиди.
Бир муддат Қоҳирадаги ал-Худайвий Исмоил мактабида, кейинчалик эса Байрутдаги Америка университети ва Қоҳира университетининг ҳуқуқшунослик факультетида таҳсил олади. Иккинчи Жаҳон уруши бошланиши туфайли у ўқишини якунламай, Саудия Арабистонига қайтади.
Инглиз, француз ва турк тилларини билган Азиз Зиё журналистлик фаолияти билан бирга, бир қатор ҳукумат муассасаларида фаолият олиб борган.
У ўттиздан ортиқ роман ва пьесаларнинг муаллифи ва таржимонидир. Байрутдаги Америка университетида таҳсил олаётган пайтида Оскар Уайлд, Сомерсет Моэм, Лев Толстой, Жорж Оруэль, Бернард Шоу, Робиндранат Тагор асарларини араб тилига таржима қилган.
Адиб 1997 йил Жиддада вафот этди.
ИЛК ТОНГ Ҳаётимдаги биринчи тонг… Ўз ҳаётидаги биринчи тонгни ким ҳам эслай оларди. Ахир, ўша куни у ҳаётга эндигина қадам қўйган бўлади-ку! У аввал ғайришуурий, сўнг эса шуурий тарзда Ер юзидаги барча одамлар каби ўзининг ҳар тонги ва ҳар оқшомини давоми…