Анна Зегерс (нем. Anna Seghers, ҳақиқий исми Нетти Радвани (Netty Radvanyi), 19 ноябрь 1900, Майнц — 3 июнь 1983, Берлин) — немис ёзувчиси. Кёльн ва Гейдельберг университетларида таълим олган. 1933 йили Зегерс оз муддат гестапо томонидан ҳибсда ушланган, китоблари тақиқланган. Шундан сўнг у Францияга кетади. 1940 йили гитлерчилар қўшини Францияни босиб олгач, Анна Зегерс Париждан Марселга қочади.
1941 йили у Мехикога кетади ва у ерда антифашистик «Генрих Гейне клуби»ни ва «Озод Германия» журналини ташкил этади. Урушдан сўнг у Берлинга қайтади. Зегерс Бутундунё Тинчлик шўроси аъзоси, Германия ёзувчилар уюшмаси раиси (1958—1978); Немис санъат академияси аъзоси бўлган.
Унинг энг машҳур асарлари: «Унинг боши учун тўлов» (1933),  «Еттинчи хоч» (1942), «Транзит визаси» (1944), «Ўлик қизлар сайри» (1946), «Барҳаёт ўликлар» (1949), «Гаитидаги тўй» (1949), «Кариб лавҳалари» (1962), «Гаитилик уч аёл» (1980).