Сайёрамизнинг энг романтик гўшалари (2006)

Сайёрамиздаги энг қиммат резиденциялар ўзига хос романтик усули билан ҳам баҳосини ошириб келмоқда. Чунки одамзот романтикага ўч, қолаверса бу модага ҳам айланиб бормоқда. Ҳозирги кунда, айниқса, бокира табиий ландшафтларга эга жойларда романтик сайёҳатларга чиқиш учун одамлар пул аяшмайди.

Ер юзидаги энг романтик резиденциялар рейтингида жуда камдан кам одамларга бўлиш насиб этадиган Малдив оролларидаги Dhoni Mighili курорти пешқадам. Бу курорт –оролда бор-йўғи 6 та айвонли дала ҳовли (бунгало)лар бўлиб, улар денгиз бўғозига қарата қурилгани билан ўта мафтункордир. Бундан ташқари, бу резиденцияларнинг ҳар бири ўз саройбони, пляждаги алоҳида айвончаси, елканли қайиқларига эга. Шу билан бирга бу жой Малдивадаги тўлиқ ижарага олиш мумкин бўлган ягона орол ҳисобланади. Бундай романтик гўшада бир сутка яшаш нархи 1100 долларга тенг.

Иккинчи ўринда эса Peppers On The Point меҳмонхонаси бўлиб, бу сервиқор атолл ХХ аср бошида Роторуа кўли қирғоғидаги қароргоҳда қад ростлаган бўлиб, бу жой ўта соф суви, геотермал маъданли манбалари билан машҳурдир. Бу меҳмонхонанинг бир кунлик баҳоси 700 долларга тенгдир. Тинч океанининг зумрад сувли қирғоқларида жойлашган Las Alamandas вилласи эса учинчи ўринда туради. Бу меҳмонхона бор-йўғи олтита – пушти, қизғиш, сариқ, оч ҳаворангга бўялган олтита вилладан иборат бўлиб, бу ранго-ранг гўшада яшашнинг бир кунлик баҳоси 680 долларга баҳоланади.

Номи Мамлакат Кунлик нарҳи $
1 Dhoni Mighili курорти Малдив ороллари 1 100
2 Peppers On The Point меҳмонхонаси Янги Зеландия 700
3 Las Alamandas вилласи Мексика 680
4 Oberoi Amarvilas меҳмонхонаси Ҳиндистон 650
5 Dunton Hot Springs курорти АҚШ 550
6 Chateau de Bagnols Франция 530
7 Ponta dos Ganchos курорти Бразилия 445
8 Villa Le Scale Италия 420
9 Las Balsas резиденцияси Аргентина 340
10 Bowman’s Hill вилласи АҚШ 300