Ҳинд цивилизацияси нимани англатади?

Эгей, Миср ва Яқин Шарқ оламидан узоқ Шарқ томонда цивилизациянинг яна бир йирик ўчоғи бўлиб, ҳинд цивилизацияси деб аталган. Бу ном Ҳинд дарёси билан боғлиқ бўлиб, унинг яқинида кўплаб шаҳарлар бунёд этилган эди.

Бронза асрининг бизга маълум бўлган бу энг йирик цивилизацияси 1,3 миллион квадрат километр майдонни эгаллаган. Бу ерда 150 дан зиёд манзилгоҳ бўлиб, уларнинг кўпчилигида қазиш ишлари олиб борилган. Энг муҳим марказлар — Мохенжо-Даро ва Хараппа аҳолиси 30—40 минг кишини ташкил этарди.

Барча ерда бўлгани каби шаҳар цивилизацияси ҳам неолит даврининг эрамиздан аввалги тахминан 3500 йилда юзага келган деҳқончилик манзилгоҳларидан ўсиб чиққанди. Деворлар билан ўраб олинган шаҳарлар, савдо-сотиқ ҳамда турли-туман ҳунармандчилик аста-секин ривожлана борган. Эрамиздан аввалги 2500 йилга келиб бу кенг ўлканинг қишлоқ ва шаҳарлари ягона цивилизацияни ташкил этган.