Mahviy (XIX asr)

XIX asrda yashab ijod qilgan qo‘qonlik o‘zbek shoirlaridan biri. Asl ismi Mirzo Xudoyordir.

* * *

Bu gulshan ichra g‘urbatxonalardan oshyonim bor,
Etay dargohinga yuz shukr, sendek mehribonim bor,
Ochilmas g‘unchai baxtim ko‘ngulda ko‘p fig‘onim bor,
Hifi sardimga mahram marhamatli rozdonim bor,
Qarig‘an choqda azm etdim yetay deb Kabatilloga,
Etalmay yig‘laram har dam Madina joyi a’loga.

Musallo aylasam joiz bu ikki ko‘zdi yoshimdin,
Ko‘tarma ma’dani nuringni hargiz dil xaroshimdin,
Hayoti jovdoni ketmasin davlatli boshimdin,
Dilimdin jurmi isyonni ko‘targil ichu toshimdin,
Qarig‘an chog‘da azm etdim yetay deb Ka’batilloga
Etolmay yig‘ladim hardam Madina joyi a’loga.

Bu noqisliq bilan Mahviy yetarmukin o‘shal joyga
Muyassar et, iloho, seg‘an o‘zing ul joyi a’log‘a.