(Badiiy ocherk)

Sa’nat saroyida bo‘layotgan Sakkizinchi mart xalqaro xotin-qizlar kuniga bag‘ishlangan tantanali yig‘ilishga meni kiritishmadi. Eshikda turgan tilla tishli jujur-niy xotinga ichimda yig‘ilib qolgan hamma gaplarni to‘kib soldim.
— Axir, men o‘n gulidan bir guli ochilmagan 72 yoshli yigit bo‘lsam, nechukki sen meni otaxon, deysan. Men bu yerga o‘zimga munosib yor izlab kelganimni bilasanmi?
U bo‘lsa meni masxara qilayotgandek tilla tishini ko‘rsatib kuldi. Kulib turib menga g‘alatiroq qarash qildi. He yo‘q-be yo‘q, meni olmaysizmi, deb yubordi-ya! Seskanib ketdim. Ungadurustroqqaradim. Binoyidek. Qaddi-qomati ham joyida. Hali qirqdan oshmagan, basharasida bitta ham ajin yo‘q. Juda menbop ayol ekan. Unga suzilib turib, «olganim bo‘lsin», dedim. U bo‘lsa ertaga MVDga sovchi yuboring, ular ministrning oldiga kirib, podpolkovnik Xoldorovaga sovchilikka keldik, deb aytishsin, dedi.
Bir qochish qildim! O‘lay agar, bunaqa qochishga OBXSSning iti ham yetolmaydi.