Nodirabegim Ibrohimova – 1989 yil Farg‘ona viloyati, Oltiariq tumanida tug‘ilgan. 2011 yil O‘zbekiston davlat jahon tillari universiteti Xalqaro jurnalistika fakultetini tamomlagan.
Qisqa hikoyalari Rossiya, AQSh, Hindiston, Turkiya turli nashrlarida bir necha bor e’lon qilingan. Yozuvchilar uyushmasining 2016 yilgi «Iste’dod maktabi» VIII yosh ijodkorlar seminari nasr yo‘nalishi ishtirokchisi. Ijod fondi tomonidan 2017 yilda «Yoningdagi baxt» hikoyalar to‘plami 10 ming nusxada chop etilgan.
Shuningdek, «Jodugar yoxud ming yillik hayot» va «Zulm va muhabbat» nomli mualliflik qissalari, «Dunyodagi eng baxtli odam», «To‘y sovg‘asi», «Hayotning besh tortig‘i» nomli tarjimalar to‘plami nashr etilgan.
2018 yilda chop etilgan «Mitti hikoyalar: kecha va bugun» nomli kitobning to‘plovchisi va so‘zi boshchisi. 2018 yilda «Amarantus» adabiy agentligi tomonidan o‘tkazilgan tanlovda o‘zbek tilidan ingliz tiliga o‘girilgan «Eng yaxshi tarjima» nominatsiyasida 1-o‘rinni egallagan. 2017 yil noyabr oyida Shvetsiya davlatida o‘tkazilgan «Evropa ochiq adabiyot festivali va kitob forumi»da finalchilar qatoridan joy olgan. Shu yil so‘nggida Yoshlar ittifoqi mukofotining nasr yo‘nalishi bo‘yicha «Yilning eng yaxshi yosh ijodkori» yo‘nalishida g‘oliblikni qo‘lga kiritgan.
Uyqusiz tunlarimning birida eshik qattiq taqilladi. Ochganimda uning rang-ro‘yi avvalgidek emasdi: ko‘z osti salqigan, quyuq sochlari to‘zg‘igan, ko‘k galstugi bo‘ynidan bo‘shatilgan, bir ahvol. Ikki yil avval o‘ziga bino qo‘ygan olifta yigitchaga solishtirganda yer-u osmoncha farq bor edi. Tanim muzlab qolgandek davomi…
Alois Altsgeymer. Neyropatologiyaning otasi. Insonning miya faoliyati so‘nishi, ya’ni o‘z ismi bilan ataladigan kasallikni kashf qilgan, o‘rgangan olim. Men uning ismini so‘nggi yillarda tez-tez tilga olaman. Bu so‘z menga ancha yaqin bo‘lib qolgan. Altsgeymer ellik bir yoshida o‘lgan. Yuragi sababli. davomi…
Bir marta yurak xurujini yengib o‘tgan yozuvchini avaylashardi, ammo u saratonning qoq o‘rtasida saratondan vafot etdi. O‘shanda kasalxonada uning yonida hamshiradan boshqa hech kim yo‘q edi. Hamshira hartugul, adibni tanir, hikoyalarini o‘qigan, shu sababdan boshqa bemorlardan ko‘ra uning yonida ko‘proq davomi…
Oddiy va zerikarli kunlarning birida diqqinafas ofisga Malika kirib keldi. Uning yelkalarini yopib turgan kamalakrang harir sharf, qulog‘iga qistirib olgan nastarin, labidan qo‘ngan nim tabassum tushkunlik ruhidagi kulrang xonada mayin shabboda kabi yeldi. Bu hissiyotni kimdir sezdi, kimdir payqamadi. Ko‘ksiga urilgan bahoriy epkinni davomi…
Darsdan shoshib chiqdim. “Ana xolos”, – deb yubordim yomg‘ir ayovciz quyayotganini ko‘rib. Aksiga olib, bugun bir ko‘rgazma tashkilotchilari bilan suhbat uyushtirishim kerak edi. Shunday yomg‘irda borish shartmikan-a? Bugun bormay qo‘yaversam-chi? Yo‘q, ertangi darsga biror “narsa” tayyor bo‘lishi kerak! Meni fikrimdan davomi…
– O‘g‘il ko‘rsam, tilla zirak olib berasiz-a? – erkalanib so‘radi Zulayho eridan. – Shuncha ziraklaring bor-ku… Ha, mayli, agar bolamiz menga o‘xshasa, olib berganim bo‘lsin! – To‘ylariga uch yil to‘lib, xotini nihoyat birinchi farzandiga homilador bo‘lganini eshitgan Akbar ham erib davomi…
Aeroport gavjum. Hamma qayoqqadir shoshadi. Titroq qo‘llari bilan hassasini tutganicha, xira tortgan ko‘zlarini odamlarga tikib o‘tirgan bu chol bilan hech kimning ishi yo‘q edi. Ba’zi ko‘ngli bo‘shlar esa uning yonidan o‘tayotib chaqa tashlab ketishar, lekin chol tangalarga qarab ham qo‘ymasdi. davomi…
– Shu chiroying bilan har qanday shahzodani oldingda tiz cho‘ktirib, umr bo‘yi tillaga ko‘milib yashaysan, – deyishardi dugonalari unga havas ila boqib. – Bu chiroying hali senga baxtsizlik keltirmasaydi, – deyishardi dugonalari unga achinish bilan qarab. Jamila esa bu gaplarga davomi…
Darsdan shoshib chiqdim. Ana xolos, yomg‘ir beayov quyyapti-ku. Aksiga olib bugun bir ko‘rgazma tashkilotchilari bilan suhbat uyushtirmoqchi edim. Shunday yomg‘irda borish shartmikan-a? Yo bugun bormay qo‘yaversammikin? Yo‘q, ertangi darsga biror nima tayyorlashim kerak! Fikrlarimga qarshi chiqqanday yomg‘ir ham savalab quyardi. davomi…