Нилуфар Бекмуродова 1984 йили туғилган. “Бахт дегани шумикан”, “Хато”, “Масъуд кунлар” номли ҳикоя ва шеърий тўпламлари чоп этилган.
Нилуфар Бекмуродова. Оқ олмалар (ҳикоя)
Тонг. Сигир-бузоқларнинг жағи очилиб, мени тинмай ўз тилида чақираётгандек. “Демак, бугун ухлаб қолибман” дедим ўзимга. Ёзги таътил бўлгани учунми эрталаб ухлаб қолиш, сигирларни кун ёйилганда боқиш ҳам айб эмасдек туюлади. Таътилнинг тўқсон куни тўққиллаб ўтгани сайин эса уй ишлари, ўйинлар давоми…