Вэй Инъу (737-790)

Вэй Инъу (анъанавий 韋應物, соддалашган 韦应物, пиньинь: Wéi Yìngwù, 737-792) — Тан династиясида яшаган хитой шоири. 737 йили Чанъанда туғилган.

* * *

Сомон йўли — кўҳна, юксак мавҳумот,
Кеча йўл берар чоғ ажиб саҳарга,
Янги тонг қошида тураркан, бот-бот
Нурларин тарайди кузги шаҳарга.

Дилдаги бор қайғу севгингдан ёдгор,
Ёр, сени ўйлайман олисга боқиб.
Бизни айрилиққа этди гирифтор —
Тақдир иккимизга муносиб рақиб.

Бизни айирдилар, айро этдилар…
Ҳатто осмоннинг ҳам Сомон йўли бор,
Бизга висол сари йўл топмоқ душвор…

Русчадан Гулноз Мўминова таржимаси